ހިތަދޫ ޕޯޓް ލިމިޓެޑްގެ ބަނދަރަށް ދާ މަގުން މޫދާ ދިމާލު ހިލަތަކުގެ މައްޗަށް ސައިކަލާއެކު ވެއްޓުނު ޒުވާނާ މާލޭ އައިޖީއެމް ހޮސްޕިޓަލުގައި ނިޔާވެއްޖެއެވެ.
ސ. ހިތަދޫ ނާޒުކީގޭ، އަހުމަދު ޒަރީރު، 46، އައިޖީއެމްއެޗް ހޮސްޕިޓަލުގައި ނިޔާވީ މިއަދު ހެނދުނުގ ވަގުތެއްގައެވެ.
ޒަރީރު ބަނދަރަށް ގޮސްފައިވަނީ ބޯޓު ހުސްކުރުމަށް ގްރޫޕަކާ ހަވާލުކުރެވިފައިވާ މަސައްކަތަށް އާދީއްތަ ދުވަހު ހެނދުނެވެ. ހިލަތަކުގެ މައްޗަށް ވެއްޓި ޒަރީރަށް ވަނީ ވަރަށް ބޮޑަށް އަނިޔާވެ ހާލު ސީރިއަސް ވުމުގެ ސަބަބުން ހަމަ އެދުވަހު އެމަޖެންސީގައި މާލެ ފޮނުވާފައެވެ.
އާއިލާގެ ފަރާތުން "އައްޑޫލައިވް" އަށް މައުލޫމާތު ދެމުން ބުނެފައިވަނީ ޒަރީރުގެ ބޮލަށް ވަނީ އެހާދިސާގައި ވަރަށް ބޮޑަށް ޒަޚަމްވެފައި ކަމަށެވެ. އަދި އައިޖީއެމްއެޗަށް ގެންދިއުމުން ޑޮކްޓަރުން ވަނީ ސިކުނޑިއަށް ލޭއެޅި، ސިކުނޑި މަރުވެފައިވާ ކަމަށް އާއިލާއަށް އަންގާފައެވެ.