މިދިޔަ ޖުލައި މަހު ތެރޭ މާލޭގެ ގެޔަކުން މަސްތުވާތަކެތީގެ މައްސަލައެއްގައި ބިދޭސީއަކު ހައްޔަރުކުރުމުގައި ފުލުހުންގެ ޑްރަގް އެންފޯސްމަންޓް ޑިޕާޓްމެންޓުގެ އޮފިސަރުންތަކެއް އާދަޔާ ޚިލާފަށް ބާރުގެ ބޭނުންކޮށް އެމީހާއަށް އަނިޔާކުރުމަށްފަހު ހައްޔަރުކުރި ވީޑިއޯއެއް އާންމުވުމުން ސަސްޕެންޑުކުރި 7 ފުލުހުންނަށް ފިޔަވަޅެއް ނޭޅި އަނބުރާ ވަޒީފާއަށް ނިކުންނަން ފަށައިފިއެވެ.
ވީޑިއޯ އާންމުވުމާއެކު ސީޕީ ހަމީދު ވަނީ އެމައްސަލަ ބަލާނެ ކަމަށް ބުނެ އެއަމަލުގައި ބައިވެރިވި ފުލުހުން ސަސްޕެންޑުކޮށް ޓުވީޓެއް ކުރައްވާފައެވެ. ފުލުހުންގެ އިންޓާނަލް ކޮމާންޑުން ވަނީ އެމައްސަލަ ތަހުގީގު ވެސް ކޮށްފައެވެ.
ނަމަވެސް މައްސަލަ ހިނގިތާ ދުވަސްތަކެއް ފަހުން ކޮމާންޑުން ވަނީ އެ ފުލުހުންގެ ސަސްޕެންޝަން އުވާލައި އަނބުރާ ވަޒީފާއަށް ނިކުތުމަށް ހުއްދަ ދީފައެވެ.
ވީޑިއޯ އާންމުވުމުން ފުލުހުން ވަނީ އެ ހިސާބުގެ ބައެއް ގެތަކަށް ވަދެ ވީޑިއޯ ކުރިތޯ ސުވާލުކޮށް ބިރު ދައްކާފައެވެ.