ފޭދޫ ޔޫތު ކޮމިއުނިޓީ (އެފްވައިސީން) މިހާރު ފޭދޫގައި ކުރިއަށް ގެންދާ "ފްލައި މީ އައްޑޫ ފުޓްސަލް ޗެލެންޖް 2013 "ގެ ފައިނަލަށް ހިތަދޫ މަލްޓީ ޖީނިއަސް އާއި ދި ފޭދޫ ސްޕޯޓްސް ގޮސްފި އެވެ.
ރޭ ކުޅުނު މުބާރާތުގެ ސެމީފައިނަލް ފުރަތަމަ މެޗްގައި މަރަދޫ ގޯދިއްޔާ އާއި މަލްޓި ޖީނިއަސް ބައްދަލު ކުރި މެޗް 1-1 ލަނޑުން އެއްވަރުވުމާ ގުޅިގެން ނަތީޖާ ނެރެފައިވަނީ ޕެނަލްޓީ ޖަހައިގެންނެވެ.
ރޭ ސެމީގެ ދެވަނަ މެޗްގައި ދި ފޭދޫ ސްޕޯޓްސް އާއި މެޖެންޓާ ބައްދަލު ކުރި މެޗް 2-1 ލަނޑުން ކާމިޔާބް ކުރީ ދި ފޭދޫ ސްޕޯޓްސް އެވެ.
މުބާރާތުގެ ފައިނަލް މެޗް ކުޅުމަށް ހަމަޖެހިފައި ވަނީ ޖުލައި 3 ވަނަ ދުވަހުގެ ރޭ 21:00 ގަ އެވެ.
މި މުބާރާތަކީ ޗެމްޕިއަން ޓީމަށް 35،000ރ. ގެ ފައިސާގެ އިނާމެއް ހުށަހެޅިފައިވާ މުބާރާތެކެވެ. މުބާރާތުގެ މެއިން ސްޕޮންސަރަކީ ފްލައި މީ އެވެ. ކޯ ސްޕޮންސަރަކީ އެސްޓީއޯ ކުރުގާ ކޮފީ އެވެ.
ޓެލެކޮމް ޕާޓްނަރަކީ ވަޠަނިއްޔާ މޯލްޑިވްސް އެވެ. ރިސޯޓް ޕާޓްނަރަކީ ޝަންގްރިއްލާ ވިލިނގިލި ރިސޯޓް އެންޑް ސްޕާ އެވެ. މީޑިއާ ޕާޓްނަރަކީ "އައްޑޫ ލައިވް" އެވެ.