މިދިޔަ އަހަރުގެ ސެޕްޓެމްބަރު މަހުގެ ތެރޭގައި އަމަލީ މަަސައްކަތް ފެށި، އައްޑޫ ތިން ރަށުގެ ބޮޑ ހެދުމުގެ މަސައްކަތް ނިމިއްޖެ އެވެ.
ލަންކާ ސަރުކާރުގެ 11 މިލިއަން ޑޮލަރުގެ ހިލޭ އެހީގެ ދަށުން ހެދި ފޭދޫ، މަރަދޫފޭދޫ އަދި ފޭދޫގެ ބޮޑު މަގުގައި ތާރު އަޅައިގެން ހަދާފައިވާ އިރު މަހުގެ ދެ ފަރާތުގައި ގާ އަތުރުގައިގެން ވަނީ ޕޭވްމަންޓް ވެސް ހަދާފަ އެވެ.
ތިން ރަށުގެ ބޮޑު މަހުގެ އިތުރުން މަގު ހެދި ލަންކާގެ އިންޓަނެޝަނަލް ކޮންސްޓްރަކްޝަން ކޮންސޯޓިއަމް (އައިސީސީ) އިން ވަނީ މަރަދޫފޭދޫ ބޮޑު މަގާ ދިމާލުން ގޮސް ފޭދު އަށް އަރަން އޮންނަ މަގުގައި ވެސް ތާރު އަޅާފަ އެވެ.
މީގެ އިތުރުން ފޭދު އާއި މަރަދޫފޭދު އާ ދެމެދު އޮންނަ ދެ ކޯޒުވޭގެ ތެރެއިން ކުރިން ހަނިކޮށް އޮތް ކޯޒުވޭ ފުޅާކޮށް ދެ ފަރާތުން ދުއްވޭ ގޮތަށް ވެސް ވަނީ ހަދާފަ އެވެ.
އައިސީސީން މަގު ހަދައި ނިންމާލުމަށް ފަހު މިހާރު ވަނީ މަގުގައި ހުންނަން ޖެހޭ ސައިންތައް ކުރަހައި ނިންމާފަ އެވެ.
ތިން ރަށުގެ މަގުގެ މަސައްކަތް ނިންމާލި އިރު ފޭދޫ ފިޔަވައި އަނެއް ދެ ރަށުގެ ބޮޑު މަގުގައި ވަނި ބައްތި ވެސް ޖަހާފަ އެވެ. އަދި ފޭދޫ ބޮޑު މަގުގެ ދެ ފެރާތުގައި ކޮންޓްރެކްޓް އުސޫލުން ބޮކި ޖަހައި ދޭނެ ބަޔަކު ހޯދުމަށް ކައުންސިލުން ވަނީ އިއުލާންކޮށްފަ އެވެ.
ތިން ރަށުގެ މަގު ހަދަން އައިސީސީން ފެށީ މިދިޔަ އަހަރުގެ ސެޕްޓެމްބަރު މަހުގެ 6 ވަނަ ދުވަހު އެވެ.