ސިބްކޯ މޯލްޑިވްސް އިން ރާއްޖެ އެތެރެކުރާ ތަފާތު ބާވަތްތަކުގެ ކާބޯތަކެތި އައްޑޫ ސިޓީއިން ވެސް ކުރިއަށް އޮތް މަހުން ފެށިގެން ލިބެން ހުންނާނެއެވެ.
ވިޔަފާރި ފުޅާވެ ސިބްކޯ މާލެއިން ބޭރުން އަތޮޅުތެރެއަށް ވެސް ޖެހިލާފައިވާއިރު ހުސްވި އޮގަސްޓު މަހު ފުވައްމުލަކު ސިޓީގައި ވަނީ ބްރާންޗެއް ހުޅުވާފައެވެ. އެއަށްފަހު މިހާރު އައްޑުއަށް މިސްރާބު ޖަހާފައިވާއިރު މަރަދޫގައި ސިބްކޯގެ ހޯލްސޭލް ފިހާރައެއް ހުޅުވުމަށް ވަނީ ނިންމާފައެވެ.
ސިބްކޯ ޓީމާއި ގުޅޭނެ ބައިވެރިން ހޯދުމަށް ވަޒީފާގެ ފުރުސަތަށް ވެސް ހުޅުވާލާފައިވާއިރު މިމަހުގެ 26 ވަނަ ދުވަހާއި ހަމައަށް ހުޅުވާލާފައިވާ ވަޒީފާތަކަށް ކުރިމަތިލުމުގެ މުއްދަތު ވަނީ އިތުރުކޮށްފައެވެ. ހުޅުވާލެވިފައިވާ ވަޒީފާތަކަށް ބަލާއިރު ބްރާންޗު މެނޭޖަރުގެ އިތުރުން ކޭޝިއަރ، ޑްރައިވަރ އަދި ސެކިއުރިޓީ ގާޑުންގެ މަގާމުތަކަށް މީހުން ހޯދުމަށް ވަނީ ހުޅުވާލާފައެވެ.
ސިބްކޯއިން ރާއްޖެއަށް އެތެރެކުރާ ބާވްތަކުގެ ތެރޭގައި އަލްމުދިޝް ކިރާއި ޓޮމާޓޯ ޕޭސްޓު، ފަލަކް ސުޕަ ބާސްމަތީ ހަނޑޫ އަދި ގުޑްޑޭ ކިރު ފަދަ ތަފާތު ބާވަތްތައް ހިމެނެއެވެ.
ސިބްކޯގެ އައްޑޫ ފިހާރަ ހުންނާނީ މަރަދޫ ލިންކު ރޯޑުގައެވެ. އަންނަ އޮކްޓޯބަރު މަހުގެ ކުރީކޮޅު ފިހާރަ ހުޅުވައި ޚިދުމަތް ދޭން ފެށުމުގެ މަސައްކަތް މިހާރު އަންނަނީ ކުރަމުންނެވެ.