މާލޭ ހެންވޭރު ފެހިއާބާދު ގޭގައި ހިނގައިގެން އުޅޭ އަލިފާނުގެ ހާދިސާ ހިނގައިގެން އުޅޭ ސަރަހައްދަށް އާންމު ރައްޔިތުން ނުދިޔުމަށާއި ދުމުން ރައްކާތެރިވުމަށް މާސްކް އެޅުމަށް މޯލްޑިވްސް ރެޑް ކްރެސެންޓްގެ ފަރާތުން އިލްތިމާސް ކޮށްފިއެވެ.
ހ.ފެހިއާބާދުގޭގައި ރޯވި އަލިފާންގަނޑު ވަރަށް ބޮޑަށް ފެތުރެމުންދާއިރު ފުލުހުންނާއި ސިފައިން މިހާރު އަންނަނީ އަލިފާންގަނޑު ކޮންޓްރޯލް ކުރުމަށް މަސައްކަތް ކުރަމުންނެވެ. އަދި އާއްމުން ވެސް އަންނަނީ މިކަމުގައި އެހީތެރިކަން ފޯރުކޮށްދެމުންނެވެ.
ރެޑް ކްރެސެންޓުން އާންމު ރައްޔިތުންނަށް ޓްވިޓާ މެދުވެރިކޮށް ކަންތައް ކުރަންޖެހޭގޮތް ހާމަކޮށް، ކޮށްފައިވާ ޓްވީޓްގައިވަނީ ހާދިސާ ހިނގައިގެން އުޅޭ ސަރަހައްދާއި އަދި ދުމުގެ އަސަރުން ސަލާމަތްވުމަށް އިލްތިމާސް ކޮށްފައެވެ. ބޭރު ތެރޭގައި އުޅޭއިރު ނޭފަތާއި އަނގަ ނިވާ ކުރުމަށްވެސް އެދިފައިވެއެވެ. އަދި މީގެ އިތުރުން ނޭވާލުމަށް އުނދަގޫވެ، ހެޔަށްގޮތްވާ ފަދަ އަލާމާތެއް ފެނިއްޖެނަމަ އަވަހަށް ސިއްހީ ފަރުވާ ހޯދުމަށް ވެސް ރެޑް ކްރެސެންޓްގެ ފަރާތުން ވަނީ ރައްޔިތުންނަށް އިލްތިމާސް ކޮށްފައެވެ.
Do you live near the Henvieru fire incident area? Make sure you:
?️Stay away from fire and smoke.
?Cover nose & mouth when outside.
?Seek medical help as soon as you experience symptoms such as breathing difficulty, dizziness.— Maldivian Red Crescent (@maldivianrc) September 20, 2019
https://platform.twitter.com/widgets.js
މައުލޫމާތު ލިބިފައިވާ ގޮތުގައި ދުމުގެ އަސަރުކޮށްގެން ބައެއް މީހުން މިހާރު ވަނީ އޭޑީކޭ ހޮސްޕިޓަލަށް ވެސް ގެންގޮސްފައެވެ. އޭގެެތެރޭގައި ކުޑަކުދިން ވެސް ހިމެނޭ ކަމަށް މައުލޫމާތު ލިބެއެވެ.