ހެންވޭރު ފެހިއާބާދު ގޭގައި ހިނގައިގެން އުޅޭ އަލިފާނުގެ ހާދިސާގެ އަސަރުކޮށް މިހާތަނަށް 56 މީހުން އޭޑީކޭއަށް ފަރުވާ ހޯދުމަށް ގޮސްފައިވާކަމަށް ހެލްތު މިނިސްޓަރ އަބްދުﷲ އަމީން ވިދާޅުވެއްޖެއެވެ.
އަމީން ވިދާޅުވީ އޭޑީކޭއަށް ގެންދިޔަ 56 މީހުންގެ ތެރެއިން 46 މީހަކު ފަރުވާ ދިނުމަށްފަހު ދޫކޮށްލާފައިވާ ކަމަށެވެ. އަދި 10 މީހަކަށް އެޑްމިޓްކޮށް ފަރުވާ ދެމުން އަންނަ ކަމަށެވެ.
އޭޑީކޭއިން ވެސް ވަނީ މިހާދިސާ އާއި ގުޅިގެން ގިނަ ބަޔަކު ފަރުވާ ހޯދަމުން އަންނަ ކަމަށް ބުނެފައެވެ. އަދި ހޮސްޕިޓަލް ވަނީ ކުއްލި ހާލަތަށް ގެނެސްފައެވެ.
މިނިސްޓަރ އަމީން ވިދާޅުވީ މި ހާދިސާގެ ގެެއްލުން ވަރަށް ބޮޑު ކަމަށާއި މި ވަގުތު އެންމެ ބޮޑު އިސްކަމެއް ދޭން ޖެހެނީ ސަލާމަތީ ބާރުތަކުން އަންގާ އެންގުންތަކާއި އެއްގޮތަށް އާއްމުން އަމަލު ކުރުން ކަމަށެވެ.