ކުރީގެ ރައީސް އަބްދުﷲ ޔާމީން މ. އަތޮޅަށް ކުރައްވަމުން ގެންދަވާ ދަތުރުފުޅުގައި ސަރުކާރަށް ފާޑުވިދާޅުވާތީ އެމްއާރްއެމް އިން ރައްދު ދީފިއެވެ.
ޔާމީންގެ ވެރިކަމުގެ ކުރީކޮޅު ސަރުކާރާ އެއްކޮޅަށް ތިބުމަށްފަހު ރައީސް މައުމޫނާއެކު ސަރުކާރު ފަޅި ދޫކޮށްލެއްވި ފަރާތްތަކުގެ ތެރޭގައި ހިމެނޭ އާމިނަތު ނާދިރާ ވިދާޅުވީ ޔާމީންގެ ފަސް އަހަރުގެ ދައުރުގައި ވެސް އދ. ގައި ވާހަކަ ނުދެއްކި ރައީސް ސޯލިހް އދ. ގައި ވާހަކަދައްކަވަން ވަޑައިގެންނެވީތީ އެމަނިކުފާނު 'ޖޭ' ވަނީ ކަމަށެވެ.
އަދި މިހާރު ޕީޕީއެމުން ކިތަންމެ ވަރަކަށް ފޮނު އެރުވިޔަސް ދެން ހަމަ ތިބެން ޖެހޭނީ ކަމަށާއި އިތުރުކަމެއް ނުކުރެވޭނެ ކަމަށް ބުނެ ނާދިރާ ވަނީ ޕާޓީއަށް ފާޑުވިދާޅުވެފައެވެ.
ޕީޕީއެމް/ޕީއެންސީ ކޯލިޝަނުން ކުރީގެ ގިނަ މެމްބަރުންތަކެއް ވަނީ ވަކިވެ ޖުމުހޫރީ ޕާޓީއާ ގުޅިވަޑައިގެންފައެވެ. އަދި އެބޭފުޅުން ވަނީ ޖޭޕީ ވަރުގަދަ ކުރަން މަސައްކަތް ކުރާނެ ކަމަށް ވިދާޅުވެފައެވެ. ޔާމީން ވަނީ މަގުބޫލުކަން ހޯދަން އެމަނިކުފާނުގެ ނަން ނުގެނުމަށް އެދިވަޑައިގެންފައެވެ.