މާފުށި ޖަލަށް ދެމީހަކު ވެގެން ގިނަ އަދަދެއްގެ ޖަލަށް ވެއްދުން ހުއްދަ ނޫން ސާމާނު ވައްދަން އުޅެނިކޮށް ފުލުހުންނާއި ކަރެކްޝަންސް ގުޅިގެން ހިންގި އޮޕަރޭޝަނެއްގައި އަތުލައިގެންފިއެވެ.
ފުލުހުން އާންމުކުރި މައުލޫމާތުތަކުގެ ތެރޭގައި ޖަލަށް ވަނީ މޯބައިލް ފޯނާއި ސްމާޓް ފޯނުތަކުގެ އިތުރުން ކާން ބޭނުންކުރާ އޫ، ސަމުސު އަދި ވަޅިއާއި ފައިވާނާއި މޫނު ބަލާ ލޯގަނޑުތަކާއި ފަހާ ސާމާނުވެސް އެތެރެކުރަން މަސައްކަތް ކޮށްފައެވެ. 100 އަށްވުރެ ގިނަ ސާމާނު އެތެރެކުރަން އުޅެނިކޮށް އަތުލައިގެންފައިވާއިރު އެންމެ ގިނަ އަދަދަކަށް އެތެރެކުރަން އުޅުނީ ފޯނެވެ.
ޖުމުލަ 70 ފޯނު އެތެރެކުރަން މަސައްކަތް ކޮށްފައިވާއިރު 29 ފޯނަކީ ނޮކިއާ ބައްތި ފޯނެވެ. އަދި 41 ފޯނަކީ އެކި ބްރޭންޑުތަކުގެ ސްމާޓު ފޯނެވެ. މީގެ އިތުރުން 7 ސިމް ކާޑާއި، 62 ފޯނު ޗާޖަރާއި 32 ޔޫއެސްބީ ޑްރައިވް، 22 ހެޑްސެޓު، 5 އެޑެޕްޓަރު، 2 ފަހާ ކިޓު، 5 ނިޔަފަތި ކަނޑާ ދަތި، 5 ސުޕަގްލޫ ޕެކެޓު، 5 ކަތުރު، 3 ވަޅި(ކުޑަ)، 2 ފެމް ކްރީމް، 2 ކަޓާ ނައިފް، 2 ޕެކެޓު ލޮނު، 12 ތިލަ، 05 ސަމުސާ އަދި 5 އޫ ވައްދަން މަސައްކަތް ކޮށްފައިވެއެވެ.
Two men trying to smuggle in a lot of items into Maafushi Prison were arrested last night in a joint operation conducted by Police and @Corrections_Mv
A 21yo man and 26yo man have been arrested in this case. The investigations are ongoing.
📸 : Confiscated items#MaafushiPolice pic.twitter.com/wpEA7dTLgR— Maldives Police (@PoliceMv) September 22, 2019
ފުލުހުން ބުނެފައިވަނީ މިކަމުގައި ޝާމިލް ވަނީ 21 އަހަރުގެ ޒުވާނަކާއި 26 އަހަރުގެ ޒުވާނެއް ކަމަށެވެ. ދެމީހުން ވެސް ހައްޔަރުކޮށްފައިވާއިރު މައްސަލައިގެ ތަހުގީގު ކުރިއަށްދާ ކަމަށް ބުންޏެވެ.