ހުކުރު ދުވަހުގެރޭ މާލޭގައި ހިނގި ނުރައްކާތެރި އަލިފާނުގެ ހާދިސާގައި ގެދޮރު ގެއްލި ގެއްލުން ލިބުނު 400 އަށްވުރެ ގިނަ މީހުންގެ ތެރެއިން ސިވިލް ސާވިސްގެ މުވައްޒަފުންނަށް 30 ދުވަހުގެ ޗުއްޓީއެއް ދިނުމަށް ކޮމިޝަނުން ނިންމައިފިއެވެ.
އެއް މަސް ދުވަހުގެ ޗުއްޓީއެއް ދިނުމަށް ސިވިލް ސާވިސް ކޮމިޝަނުން ނިންމާފައިވަނީ ގެއްލުމުގެ ސަބަބުން މަސައްކަތަށް ނިކުތުމަށް އުޒުރުވެރިފައިވާ މުވައްޒިފުންނަށެވެ. މިކަން އިއުލާން ކޮށްފއަިވަނީ ކޮމިޝަނުން މިއަދު ނެރުނު ބަޔާނެއްގައެވެ.
ހެންވޭރު އަބަދަށްފެހި މަގުގައި ހުރި ކެމިކަލް ރައްކާކުރި ގުދަނެއްގައި ރޯވެ އިތުރު ހަތަރު ގުދަނާއި 7 ގެއެއް ވަނީ އަނދާފައެވެ. ހިފާގެންގުޅޭ ހުރިހާ ސާމަނަކާއި އަންނައުނު އެއްލާލުމަށް ފަހު 400 އަށްވުރެ ގިނަ މީހުން ނިކުތީ ހަށިފުރާނަ ސަލާމަތްކުރުމަށެވެ. އަލިފާންގަނޑުގެ ތެރޭގައި ތާށިވެ ނުނިކުމެވުނު 46 އަހަރުގެ އާއިޝަތު ޝައުނާ ވަނީ މިހތާމަވެރި ހާދިސާގައި ނިޔާވެފައެވެ.