ސިޓީ ސްކެއާގައި އައްޑޫ ސިޓީ ކައުންސިލުން ހަދަމުންދާ ޕާކު ތެރޭގައި ބޮޑު ހިލަ ޖެހުމުން އެކަމަށް ކުރީގެ މެމްބަރު އަލީ ނިޒާރު ފާޑުވިދާޅުވެއްޖެއެވެ.
ނިޒާރު ފޭސްބުކްގައި ކުރި ޕޯސްޓެއްގައި ބުނެފައިވަނީ ޕާކު ތެރޭގައި ބޮޑު ހިލަ ޖެހުމުން ވަރަށް ހުތުރު ކަމަށެވެ. އަދި އެއީ ކޮން އިންޖިނިއަރެއްގެ ލަފާގެ މަތިން ކުރި ކަމެއްތޯ ނިޒާރު ވަނީ ސުވާލު އުފައްދާފައެވެ.
ނިމިގެން ދިޔަ މަޖިލިސް އިންތިޚާބުގައި ހިތަދޫ ދެކުނު ދާއިރާގެ ގޮނޑި ދިފާއުކުރައްވަން ނިކުމެވަޑައިގަތް ނިޒާރު ވަނީ ޕްރައިމަރީގައި މިހާރުގެ މެމްބަރު އިބްރާޙިމް ނާޒިލާ ވާދަކޮށް ނާކާމިޔާބު ވެފައެވެ.
ކައުންސިލްގެ ބައެއް ނިންމުންތަކާ މެދު ނިޒާރުގެ ފާޑުކިޔުންތައް ފަހަކަށް އައިސް އަމާޒު ވަމުން އަންނަ އިރު އައްޑޫ ސިޓީ ކައުންސިލްގެ މަސައްކަތަށް ސިޓީގެ ގިނަ ރައްޔިތުންގެ ފާޑުކިޔުންތައް ވެސް ވަނީ އަމާޒުވެފައެވެ. އެގޮތުން ދާދި ފަހުން ހިތަދޫ ފުޓުބޯޅަ ޖަމިއްޔާއެއް ކަމަށްވާ ޒެފިއާ އިން ވަނީ 45 ދުވަސްތެރޭ ނިންމަން ބުނި ދަނޑު ވީތަނެއް ނޭނގިގެން ސުވާލުކޮށްފައެވެ.
އައްޑޫ މޭޔަރ އަބްދުﷲ ސޯދިގަށް އަމާޒު ކުރެއްވި ސުވާލަށް ސޯބެގެ ޖަވާބެއް އަދި ލިބިފައެއް ނުވެއެވެ. ޚަބަރު ލިބޭ ގޮތުގައި އުތުރު ދާއިރާގައި ތަރައްގީ ކުރަން ބުނި ދަނޑުގައި އަޅަން ގެނެސްފައިވާ ޓާފު އެމްއެންޑީއެފަށް ވަނީ ދީފައެވެ.