ރާއްޖޭގައި ދިރިއުޅެމުން ދަނިކޮށް އިއްޔެ ކުއްލި ގޮތަކަށް މަރުވި ބަންގްލަދޭޝްގެ ރައްޔިތެއް އަނބުރާ ގައުމަށް ފޮނުވަން ކުރަން ޖެހޭ ހުރިހާ ޚަރަދެއް ލޮޓަސް ފިހާރައިން ކުރުމަށް ނިންމައިފިއެވެ.
ޅ. ނައިފަރުގައި މަސައްކަތް ކުރަމުންދިޔަ ބިދޭސީ މީހާ މަރުވެފައިވަނީ ހާޓް އެޓޭކެއް ޖެހިގެންނެވެ. އަނބުރާ ގައުމަށް ފޮނުވާލަން ބެލިއިރު އޭނާއަކީ ކާކުކަން އަންގައިދޭނެ އެއްވެސް ލިޔުމެއް އޭނާއަތަކު ނެތެވެ. ހަވާލުވާނެ މީހަކު ނެތިގެން މާލޭ މޯޗަރީގައި މިހާރު ބާއްވާފައި އޮތްއިރު ލޮޓަސް ފިހާރައިގެ ވެރިޔާ، އަހުމަދު އާރިފް ވަނީ އޭނާ ރަށަށް ފޮނުވައިދިނުމުގެ ހުރިހާ ޚަރަދެއް އެފިހާރައިން ކުރާނެ ކަމަށެވެ.
އަދި އެމްބަސީއާއި ފުލުހުން ކުރަން ޖެހޭ ކަންތައްކޮށް ނިންމައި ފޮނުވަން ވުމުން އަންގައިދިނުމަށާއި މަރުވި މީހާ ފޮނުވާނެ މީހަކު ނެތިގެން ގައުމަށް ނުފޮނުވި އޮންނަން ނުޖެހޭނެ ކަމަށް އާރިފް ބުނެފައިވެއެވެ. މީގެ ކުރިންވެސް ލޮޓަސް ފިހާރައިން މިގޮތަށް އަމަލުކޮށްފައިވާނެ ކަމަށާއި، ގާތް ގަނޑަކަށް 50،000ރ. މަރުވުމުން ރަށަށް ފޮނުވަން ޚަރަދުވާނެ ކަމަށް އޭނާ އަންދާޒާ ކުރެއެވެ.