ރޭ މާލޭ ރަސްފަންނު ސަރަހައްދުގައި އުމުރުން 18 އަހަރު ނުވާ ތިން އަންހެން ކުދިންގެ މެދުގައި ހިނގި މާރާމާރީއެއްގެ މައްސަލަ ފުލުހަށް ހުށައެޅުމުން، މައްސަލަ ބަލަން ފަށާފައިވާ ކަމަށް ފުލުހުން ބުނެފިއެވެ.
ސޯޝަލް މީޑިޔާގައި ދައުރުވި ވީޑިއޯއެއްގައި ފެންނަނީ ދެ އަންހެން ކުދިން ވެގެން އިތުރު ކުއްޖަކަށް ހަމަލާދޭ މަންޒަރެވެ. ދެކުދިން ވެގެން ދެން ހުރި ކުއްޖާ ގައިގާ ތަޅައިގަނެ، ބިންމައްޗަށް ވައްޓާ އަދި ބިންމަތީގައި ބާއްވާފައި ވެސް ތަޅާ މަންޒަރު ވީޑިއޯ އިން ފެނެއެވެ.
ދެކުދިން ހުއްޓުވުމަށް ފަހުން އެސަރަހައްދަށް ޒުވާން ދެ ފިރިހެނަކު އައި މަންޒަރުވެސް ވީޑިއޯ އިން ފެނިގެން ދެއެވެ.
މިމައްސަލައާ ގުޅިގެން އެއްވެސް މީހަކު އަދި ހައްޔަރުނުކުރާ ކަމަށް ފުލުހުން މައުލޫމާތު ދީފައިވެއެވެ.