މޯލްޑިވްސް ޑިމޮކްރަސީ ނެޓްވޯކް (އެމްޑީއެން)އިން އިސްލާމް ދީނަށާއި ކީރިތި ރަސޫލާއަށް ފުރައްްސާރަކޮށް ނެރުނު ރިޕޯޓާއި ގުޅިގެން މަޖްލިސްއަށް ކުއްލި މައްސަލައެއް ހުށަހެޅުމަށް ނޮޅިވަރަން ދާއިރާގެ މެމްބަރު މުހައްމަދު ނަޝީދު ނިންމަވައިފިއެވެ.
ނަޝީދު މިފަދަ ކުއްލި މައްސަލައެއް މަޖްލިސްއަށް ހުށަހަޅުއްވާއިރު މި ރިޕޯޓާއި ގުޅިގެން ދީނީ އިލްމުވެރިންނާއި ސިޔާސީ ފަރާތްތަކުގެ އިތުރުން ގިނަ އަދަދެއްގެ ރައްޔިތުން ދަނީ ކަންބޮޑުވުން ފާޅު ކުރަމުންނެވެ. މީގެ ތެރޭގައި އެމްޑީޕީގެ ބައެއް މަޖްލިސް މެމްބަރުންނާއި އެ ޕާޓީގެ ބައެއް ސަޕޯޓަރުން ހިމެނެއެވެ.
އެމްއެންޑީއޭގެ ރިޕޯޓު މައްސަލާގައި އެ ޖަމިއްޔާ އުވާލުމަށާއި އެ ރިޕޯޓު ނެރުމުގައި އިސްކޮށް ހަރަަކާތްތެރިވި މީހުން ހިފައި ހައްޔަރު ކުރުމަށް ދަނީ ގޮވާލަމުންނެވެ.
މި ރިޕޯޓު ނެރުމުގައި އިސްކޮށް ހަރަކާތްތެރިވި ޝަހިންދާ އިސްމާއިލް ވަނީ އިސްލާމިކް މިނިސްޓްރީ އަކީ މި ރާއްޖޭގެ ހަލާކުކަމަށް ވިދާޅުވެފައެވެ.
އިސްލާމިކް މިނިސްޓްރީ އާއި ޔޫތު މިނިސްޓަރ މަހްލޫފު ޓެގް ކުރައްވައި ޝަހިންދާ ވިދާޅުވީ "ކަލޭމެން ތިއީ މިގައުމުގެ ހަލާކު، ކިތަންމެ ބަޔަކު ފުރާނަ ގުރުބާން ކުރިޔަސް ކަލޭމެން ތިއްބާ މިތަނެއް އަމާނެއް ނުވާނެ." ކަމަށެވެ.
އެމްޑީއޭގެ ރިޕޯޓު މައްސަލަ ބެލުމަށް އިސްލާމިކް މިނިސްޓްރީން މިހާރު ވަނީ ފުލުހަށް ހުށަހަޅާފައެވެ.