ހުޅުމީދޫގައި ހިންގާ ފްރެންޗް ބަސް ދަސްކޮށް ދޭ ކޯސް 15 ކުދިންނާ އެކު ފަށައިފި އެވެ.
ޑިވްލޮޕް އައްޑޫ އާއި މޯލްޑިވްސް ލޯ އިންސްޓިޓިއުޓް ގުޅިގެން ދާދި ފަހުން ހުޅުމީދޫގައި ހުޅުވި ވިލާ ކޮލެޖް އައްޑޫ ކެމްޕަހުގައި އިއްޔެ ރޭ ފެށި ފްރެންޗްބަސް ދަސްކޮށް ދޭ މި ކޯހުގައި ކިޔަވައި ދެނީ ޑިވްލޮ ޕްއައްޑޫގެ ފަރާތުން ފްރާންސުން ގެނެސްފައިވާ ޓީޗަރެކެވެ.
ފަންސަވީސް ކުދީން ބައިވެރިކޮށްގެން ހިންގަން ހަމަޖެއްސި ކޯސް ފެށި އިރު މި ކޯހުގައި ބައިވެރިވެފައި ވަނީ 15 ކުދިންނެވެ. ތިން މަސް ދުވަހަށް ހިންގާ ކޯހުގެ ފީއަކީ 500ރ. އެވެ.
ޑިވްލޮޕް އައްޑޫގެ އޮފިޝަލަކު ވިދާޅުވީ ކޯސް ފެށި ނަމަވެސް އަދިވެސް ކޯހުގައި ބައިވެރިވުމުގެ ފުރުސަތު އަދި ހުޅުވާލާފައިވާ ކަމަށެވެ.
އޭނާ ވިދާޅުވީ ކޯހާ ބެހޭ ޝަންގްރިއްލާ ވިލިގިލި ރިސޯޓަށާއި ހެރަތެރަ ރިސޯޓަށްވެސް އެންގި ކަމަށެވެ. ނަމަވެސް އެ ދެ ރިސޯޓުގެ ފަރާތުން އެއްވެސް މީހަކު ކޯހުގައި ބައިވެރިކޮށްފައެއް ނުވެ އެވެ.