ފޭދޫ ޔޫތު ކޮމިއުނިޓީ (އެފްވައިސީ) އިން އިންތިޒާމްކޮށްގެން ޖޫން 18 ވަނަ ދުވަހު ފެށި "ފްލައި މީ އައްޑޫ ފުޓްސަލް 2013" ގެ ފައިނަލް މެޗް މިރޭ ކުޅޭ ގޮތަށް ހަމަޖައްސައިފި އެވެ.
ފޭދޫ ރަސްމީ ބޯޅަ ދަނޑުގައި މިރޭ ކުޅޭ ފައިނަލް މެޗް ފެށުމަށް ހަމަޖެހިފައިވަނީ ރޭގަނޑު 9:00 ޖަހާ އިރު އެވެ.
ދި ފޭދޫ ސްޕޯޓްސް ކްލަބޢަި ހިތަދޫ މަލްޓި ޖީނިއަސް ބައްދަލު ކުރާ ފައިނަލް މެޗަށް ފަހު މުބާރާތުގެ ޗެމްޕިއްން ޓީމާއި ވަނަ ވަނައަށް ދާ ކުޅުންތެރިންނަށް އިނާމު ދިނުމުގެ ރަސްމިއްޔާތު ބޭއްވުމަށް އެފްވައިސީން އަންނަނީ މަސައްކަތް ކުރަމުންނެވެ.
ޖުމްލަ 12 ޓީމު ބައްދަލު ކުރި މި މުބާރާތުގެ ސެމީއަށް ދަތުރު ކުރީ މަރަދޫ ގޯދިއްޔާ އާއި މަލްޓީ ޖީނިއަސް އަދި ފޭދޫ މެޖެންޓާ އާއި ދި ފޭދޫ ސްޕޯޓްސް އެވެ.
ސެމީގެ ފުރަތަމަ މެޗްގައި ގޯދިއްޔާ އާއި މަލްޓީ ޖީނިއަސް ބައްދަލުކުރި މެޗް 1-1 ލަނޑުން އެއްވަރު ވުމާއި ގުޅިގެން ނަތީޖާ ނެރުނީ ޕެނަލްޓީ ޝޫޓުންނެވެ.
އަދި ސެމީގެ ދެވަނަ މެޗްގައި މެޖެންޓާ އާއި ދި ފޭދޫ ސްޕޯޓްސް ބައްދަލު ކުރި މެޗް 2-1 ލަނޑުން ކާމިޔާބް ކުރީ ދި ފޭދޫ ސްޕޯޓްސް އެވެ.
ޗެމްޕިއަން ޓީމަށް 35،000ރ. ހުށަހަޅާފައިވާ މި މުބާރާތަކީ އެފްވައިސީން ބޭއްވި ފުރަތަމަ މުބާރާތެވެ. އަދި މުބާރާތަށް ބެލުންތެރިންގެ ފަރާތުން ބޮޑު ސަޕޯޓެއް ވަނީ ލިބިފަ އެވެ.