ބަނގުރާ ގެންގުޅެ އެ ތަކެތީގެ ބޭނުން ކުރި ސ. ފޭދޫ ޒުވާން އަންހެން ކުއްޖަކާ އެކު ތިން އަންހެނެއްގެ މައްސަލައިގެ ތަޙުޤީޤު ނިންމައި ދަޢުވާ ކުރުމަށް ޕްރޮސެކިޔުޓަ ޖެނެރަލް (ޕީޖީ) ގެ އޮފީހަށް ފޮނުވައިފި އެވެ.
މި މައްސަލާގައި ދަޢުވާ ކުރުމަށް ޕީޖީ އަށް ފޮނުވާފައި ވަނީ ސ.ފޭދޫ، ފަށުވި، ފާޠިމަތު ސަލްމާ، 23، އާއި ހއ. ބާރަށް، ނޫރާނީގެ، ޢާއިޝަތު ރިފްނާ،18 ، އާއި ނ. މަނަދޫ، ފިނޮޅު، އާމިނަތު ޝާއިރާ، 31، އަދި ކ. މާލެ، ދަފްތަރު ނަމްބަރ:1480 މަރިޔަމް ސަނާ، 21، ގެ މައްޗަށެވެ.
މި ހަތަރު މީހުންގެ މައްޗަށް ދަޢުވާ ކުރުމަށް ޕީޖީ އަށް ފޮނުވާފައި ވަނީ 2012 އޮކްޓޫބަރު 20 ވަނަ ދުވަހުގެ ރޭ މާލޭގެ ގެއެއްގެ ތެރޭގައި ބަނގުރާ ގެންގުޅެ، އެ ތަކެތީގެ ބޭނުންކޮށްފައިވާ މައްސަލަ އާ ގުޅިގެންނެވެ.
މި މައްސަލައިގެ ތަޙުޤީޤު ނިންމައި ޕީޖީ އަށް ފޮނުވީ މިދިޔަ މަހުގެ 26 ވަނަދު ވަހު އެވެ.