ނިއުކާސަލް ޔުނައިޓެޑަށް އަށް ކުޅެމުނަ އަންނަ ސެނެގާލްގެ ފޯވަޑް ޑެމްބަ ބާ ރިލީޒް ކުރުމަށް ކޮންޓްރެކްޓް ގައި ވާ 7.5 މިލިއަން ޕައުންޑް ދޭން ޗެލްސީ އިން އެއްބަސް ވުމާއި ގުޅިގެން ޗެލްސީ އާއި އެކު ވާހަކަ ތައް ކުރިއަށް ގެންދިއުމަށް ނިއުކާސަލް އިން ވަނީ ބާ އަށް ހުއްދަ ދީފަ އެވެ. އަދި މިރޭ ނިއުކާސަލް އާއި އެވަޓަން ބައްދަލު ކުރާ މެޗުގެ ސްކޮޑުން ވެސް ބާގެ ނަން ވަނީ އަނބުރާ ގެންގޮސްފަ އެވެ.
ބާ ނިއުކާސަލް އާއި ގުޅުނީ މީގެ 18 މަސް ކުރިން ފްރީ ޓްރާންސްފާ އެއްގަ އެވެ. މި ސީޒަން ގައި އޭނާ ވަނީ މިހާ ތަނަށް 20 މެޗް ކުޅެ 12 ގޯލް ޖަހާފަ އެވެ. ނިއުކާސަލް ގެ އޮފިޝަލަކު ވަނީ ބާ އާއި ޗެލްސީ ދެމެދު ވާހަކަ ތައް ކުރިއަށް ދާ ކަން ކަށަވަރު ކޮށް ދީފަ އެވެ.
ވާހަކަ ތައް ކުރިއަށް ދިޔަ ކަމުގައި ވިޔަސް އެހެން ކްލަބް ތަކުން ވެސް ބިޑް ކޮށްފާނެ ކަމަށް ރިޕޯޓް ތައް ބުނެ އެވެ. މިގޮތުން އާސެނަލް އަދި ޓޮޓެންހަމް އިން ވެސް ވަނީ ޝައުގުވެރިކަން ފާޅު ކޮށްފަ އެވެ.