ސ. ހުޅުދޫ ގެއަކުން ގިނަ އަދަދެއްގެ ފައިސާތަކެއް މިއަދު ވަގަށް ނަގައިފިއެވެ.
"އައްޑޫ ލައިވަ" އަށް މައުލޫމާތު ލިބިފައިވާ ގޮތުގައި މިއަދު އިރުއޮއްސި 6:00 ހާއިރު ފައިސާތަކެއް ގެއްލިފައިވަނީ ހުޅުދޫ އިރުޒުވާމާ ގެެއިންނެވެ.
ހުޅުދޫން ވާހަކަ ދެއްކި މީހަކު ބުނީ އެގެއަށް ވަގުންވަދެ 26،000 ރުފިޔާ އާއި 2،700 ޑޮލަރު ވަގަށް ނަގާފައިވާ ކަމަށެވެ.
އޭނާ ބުނީ ވަގުން އެގެއަށް ވަދެފައިވަނީ މަޣްރިބް ނަމާދަށް ބަންގި ދިންވަގުތު އެގޭ މީހުން މިސްކިތަށް ގޮސްފައިވަނިކޮށް އެގޭގެ ދޮރެއް ހަލާކޮށްލައިގެންނެވެ.
"ނަމާދަށް މިސްކިތަށް ގޮސްފައި އައިއިރު ގެއަށް ވަންނަ ދޮރު ބޭރުން ނުވަދެވޭގޮަތަށް ބަންދުކޮށްފައިހުރުމުން ގޭގެއަނެއްފަރާތުން ގޮސްބެލިއިރު އެފަރާތުގައި ހުރި ދޮރު ހަލާކުކޮށްލައިގެން ގެއަށް ވަދެ ފައިސާ ބަހައްޓާފައިހުރި ދަބަސް ވަގަށް ގެންގޮސްފައިވަނީ . ދެން އެކަން ހުޅުމީދޫ ޕޮލިހުންނަށް ރިޕޯޓް ކުރުމުން އެމީހުން އައިސް ހޯދި ހޯދުމުން ފައިސާ އަޅާފައިހުރި ދަބަސްއެގެއާއި އިންވެގެންހުރި ގޯތި ތެރެއިން ފެނުނު. އެކަމަމު އެއަކު ފައިސާއެއްނެތް . އޭގައި ހުރީ ޕާސްޕޯޓްތަކާއި އޭގައި ބަހައްޓާފައިހުރި ރަންކޮޅެއް. "
މައުލޫމާތު ލިބިފައިވާ ގޮތުގައި އިރުޒުވާމާ ގެއިން ވަގަށް ގެންގޮސްފައިވާ ފައިސާއަކީ އިއްޔެ ހުޅުދުއަށް އައި ހުޅުދޫ ޓިއުލިޕްވާދީ އިބްރާހިމް މުސްޠަފާ އޭނާ ހުޅުދޫގައި އިމާރާތް ކުރުވަމުންގެންދާ ގެއެއްގެ މަސައްކަތުގެ އަގަށް ދައްކަންވެގެން ބަހައްޓާފައިހުރި ފައިސާއެވެ.
މިވައްކަމުގެ މައްސަލަ ހުޅުމީދޫ ޕޮލިހުން މިހާރު ދަނީ ތަހުޤީޤު ކުރަމުންނެވެ.