އެމްއެމްޕީއާރްސީ ބޮޑު ޚިޔާނާތުގައި ބައިވެރިވިކަމުގެ ތުހުމަތުގައި ފުލުހުންގެ އެކި ގިންތީގެ ފުލުހުންތަކެއްގެ މައްސަލަ މިމަހުގެ 13 ވަނަ ދުވަހު ޕޮލިސް ޕްރޮފެޝަނަލް ސްޓޭންޑާޑް ކޮމާންޑުން ބަލަން ފަށައިފިއެވެ.
މިމައްސަލަ ބަލަމުން އަންނަކަން ފުލުހުން ކަށަވަރުކޮށްދީފައިވި ނަމަވެސް މިވަގުތު ތަހުގީގު ކުރިއަށްދާތީ ބަލަމުންދަނީ ކިތައް ފުލުހުން ކަމެއް ހާމައެއް ނުކުރެއެވެ. ނަމަވެސް ތަހުގީގު ކުރެވެމުންދާ ފުލުހުންގެ ތެރޭގައި އެގްޒެކެޓިވް ލެވެލްގެ ފުލުހުންނާއި ނޮން-ކޮމިޝަންޑް އަދި ކޮމިޝަންޑް އޮފިސަރުން ވެސް ހިމެނޭ ކަމަށް މައުލޫމާތު ދީފައިވެއެވެ.
ފުލުހުން ބުނީ މިމައްސަލައިގެ ތަހުގީގާ ގުޅިގެން އިތުރު ތަފްސީލް ވަރަށް އަވަހަށް މީޑިޔާއާ ހިއްސާ ކުރާނެ ކަމަށެވެ.
އިއްޔެގެ ވަގުތެއްގައި ފުލުހުން ވަނީ، މަގާމުގެ ނުފޫޒު ބޭނުންކޮށްގެން މާލީ ފައިދާތަކެއް ހޯދި ފުލުހަކު ހައްޔަރުކޮށްފައިވާ ކަން އިއުލާން ކޮށްފައެވެ.