އިނގިރޭސި ޕްރިމިއާ ލީގުގައި ރޭ ސަދަމްޓަން އަދި ލެސްޓާ ސިޓީ ބައްދަލުކުރި މެޗު ފަސޭހަކަމާއެކު 9-0 ގެ ނަތީޖާ އިން ލެސްޓާ ކާމިޔާބުކޮށްފިއެވެ.
މިއީ ޕްރިމިއާ ލީގު ތާރީޚުގައި ވެސް އެވޭ ޓީމެއް މިހާ ބޮޑު މޮޅެއް ހޯދި ފުރަތަމަ ފަހަރެވެ. މެޗުގެ ވަކި ހިސާބަކުން 10 ކުޅުންތެރިންނާއެކު ކުޅުނު ސަދަމްޓަން ކޮޅަށް ލެސްޓާއިން ވަނީ 8 ގޯލު ޖަހާފައެވެ.
މެޗުގެ 10 ވަނަ މިނެޓުގައި ޗިލްވެލް ލެސްޓާއަށް ލީޑު ނަގާ ދީފައިވަނިކޮށް 12 ވަނަ މިނެޓުގައި ރެފްރީ ވަނީ ސަދަމްޓަންގެ ބާޓްރަންޑަށް ރަތް ކާޑު ދައްކާލާފައެވެ. އެއަށްފަހު ކައިރި ކައިރީގައި ޓީލެމަންސް އަދި ޕެރެޒް ދެ ލަނޑު ޖަހާފައިވަނިކޮށް ހާފު ނިމުމުގެ ކުރިން ޕެރޭޒްގެ އިތުރު ލަނޑަކާ ވާޑީގެ ގޯލެއް ފެނިގެން ގޮސްފައިވެއެވެ.
ދެވަނަ ހާފު 0-5 ގެ ބޮޑު ލީޑަކާއެކު ލެސްޓާ އިން ފެށި ނަމަވެސް، ރޮޖާސްގެ ޓީމަށް އެވަރުވެސް ވީ މަދެވެ. އަޔޯޒޭ ޕެރޭޒްއާއި ވާޑީގެ ހެޓްރިކް މިހާފުގައި ހަމަކުރިއިރު އިތުރު ލަނޑެއް ފެނިގެން ގޮސްފައިވަނީ މެޑިސަންގެ ފަރާތުންނެވެ.
މިމޮޅާއެކު ލެސްޓާ މިހާރު 21 ޕޮއިންޓާއެކު ތާވަލުގެ ދެވަނައަށް ޖެހިލާފައިވާއިރު ސިޓީ މިއަދު މޮޅުވެއްޖެނަމަ އަނެއްކާވެސް ދެވަނައަށް ދެވޭނެއެވެ.