އަންނަ މަހުގެ 15 ވަނަ ދުވަހު އައްޑޫ ގައި ބާއްވާ ރަން ސްވިމް ބޮޑު އިވެންޓުގައި ބައިވެރިވުމުގެ މުއްދަތު މިރޭގެ 00:00 އަށް ހަމަވާނެއެވެ.
އިވެންޓް އިންތިޒާމުކުރާ މޯލްޑިވްސް ލައިފްގާޑް އެސޯސިއޭޝަން(އެމްއެލްއޭ) އިން ބުނެފައިވަނީ އައްޑޫ އިން ބޮޑު ތަރުހީބެއް ލިބިފައިވާ މިއިވެންޓުގައި ބައިވެރިވުމުގެ ފުރުސަތު އަދިވެސް ހުޅުވާލެވިފައިވާ ކަމަށެވެ.
ރެޖިސްޓްރޭޝަންގެ މުއްދަތު ހަމަވިއިރުވެސް ބައިވެރިވާން ބައެއް ފަރާތްތަކުން އެދުމުގެ ސަބަބުން އެމްއެލްއޭ އިން ވަނީ ލޭޓް އެންޓްރީގެ ގޮތުގައި ބައިވެރިވުމުގެ ފުރުސަތުވެސް ހުޅުވާލާފައެވެ. އެގޮތުން މިރޭގެ 12 ޖެހުމާ ހަމައަށް އޮންލައިންކޮށް އިވެންޓުގައި ރަޖިސްޓްރީ ކުރެވޭނެއެވެ. ރަޖިސްޓްރީ ކުރުމަށް މިލިންކަށް ފިއްތާލުމުން އޮންލައިން ރެޖިސްޓްރޭޝަން ޕޯޓަލްއަށް ދެވޭނެއެވެ.