މިދިޔަ މަހުގެ 2-7 އަށް ބޭއްވި އަލްމުދިޝް 11 ވަނަ ފެތުމުގެ މުބާރާތުން ހިތަދޫ ސްކޫލްގެ ދަރިވަރުން ބޮޑެތި ކާމިޔާބީތަކަކާ އެކު މިއަދު ހަވީރު އެނބުރި އައްޑު އަށް އައިސްފި އެވެ.
މާލޭގެ 12 ސްކޫލަކުން ވާދަކުރި މި މުބާރާތުގެ ފިރިހެން ސީނިއާ ގުރޫޕުން 1 ވަނަ އަދި އަންހެން ޖޫނިއާ ގުރޫޕުން 2 ވަނަ ހޯދުމަށް ފަހު ދަރިވަރުން މިއަދު ރަށަށް އެނބުރި އަސްފައި ވަނީ 6:30 ގައެވެ. މުޅު ޖުމްލަ 48 ދަރިވަރުން ހިތަދޫ ސްކޫލުން މި މުބާރާތަށް ގޮސްފައިވާކަމަށް އެސްކޫލުން ވަނީ މައުލޫމާތު ދީފަ އެވެ.
ދަރިވަރުންނަށް މަރުހަބާ ދެންނެވުމަށްޓަކައި އައްޑޫގެ މޭޔާރ އަބްދުﷲ ސޯދިގު (ސޯބެ) އާއި ސްކޫލުގެ ވެރީން އަދި ސްކޫލުގެ ކިޔަވާ ދަރިވަރުން ވަނީ އެއާޕޯޓަށް ގޮސްފަ އެވެ.