ރައްޔިތުންގެ މަޖިލީހުގައި ރާ ބޮއެގެން މެމްބަރުން ތިބޭތޯ ބެލުމަށް ބްރެތް ޓެސްޓު ހެދޭ ގޮތަށް ބްރީތަލައިޒާ ހަރުކުރުމަށް އައްޑޫ މީދޫ ދާއިރާގެ މެމްބަރު ރޮޒެއިނާ އާދަމް ގޮވާލައިފިއެވެ.
އެމްއެމްޕީއާރުސީ ބޮޑު ޚިޔާނާތުގެ ފައިސާ ނަގައިގެން ރޮޒެއިނާ ގެސްޓު ހައުސް އެޅި ކަމަށް އިއްޔެ ކާށިދޫ ދާއިރާގެ މެމްބަރު އަބްދުﷲ ޖާބިރު ތުހުމަތު ކުރެއްވުމުން ރޮޒެއިނާ ވަނީ ޖާބިރަށް ވަރަށް ބޮޑަށް ފާޑުވިދާޅުވެފައެވެ. ޖާބިރު ވަނީ ރޮޒޭގެ މައްސަލަ ނުބެލެނީސް ފިރިކަލުން ނާޝިޒް މާލިއްޔަތު ކޮމިޓީގެ މުގައްރިރަކަށް ހުރެގެން ނުވާނެ ކަމަށެވެ.
މިއަދު އެވާހަކަތަކަށް ރައްދު ދެއްވަމުން ރޮޒޭ ކުރި ޓުވީޓެއްގައި ބުނެފައިވަނީ ވަގަށް ގޮވޭނެ އެއްވެސް ޖާގައެއް، ތަހުގީގެއް ހިންގާނެހާ ވެސް ޖާގައެއް ނޯންނާނެ ކަމަށެވެ. މަޖިލީހުގައި އަލްކަހޮލް ބްރެތް ޓެސްޓު ހެދޭނެ ގޮތް ހަމަޖައްސަން މިހާރު ޖެހިފައިވާ ކަމަށާއި، އެހާ ހިސާބަށް މި މަޖިލީހުގެ ކަންތައް ގޯސްވެފައިވާ ކަމަށް އޭނާ ވިދާޅުވިއެވެ.
Alhugandah vagah goveyne evves jaaga eh noannaane. Adhi alhuganda gulhey gothun investigation eh hingaane jaaga evves noannaane.
Majleehugai alcohol breath test hedhey gothah behettun varah muhimmu. Ehen gaumuthakuga ves random testing hadha. Mithaaves ehisaabah gossi. pic.twitter.com/VwXAjk9N6L— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 🎈 (@Roxeyna) November 7, 2019
ޖާބިރުގެ އަނބިކަނބަލުން ދިޔާނާ ސައީދު ސުޕްރީމް ކޯޓަށް އައްޔަން ނުކުރުމަށް ރޮޒޭ މަސައްކަތް ކުރި ކަމަށް ސައި ކޮޓަރީގައި ގޮވާ ހަޅޭއްލަވައި، ޖަލްސާގައި ވަގަށް ގޮވިޔަސް ދިޔާނާ އެމަގާމަށް ނުލެވޭނެ ކަމަށް ވެސް ރޮޒެއިނާ ވަނީ ވިދާޅުވެފައެވެ. އަދި ދިޔާނާ މަގާމު ނުލިބި ކެޓީ ޖާބިރު އުޅޭ ފާޑުން ކަމަށް ވެސް ޓުވީޓުގައި ލިޔެފައިވެއެވެ.