މޯލްޑިވްސް ލައިފްގާޑް އެސޯސިއޭޝަން(އެމްއެލްއޭ) އިން އިންތިޒާމް ކޮށްގެން އައްޑޫގައި މިމަހުގެ ފަނަރަ ވާ ހުކުރު ދުވަހު ބޭއްވުމަށް ހަމަޖެހިފައިވާ ރަންސްވިމް އިވެންޓުގެ ފަރިތަކުރުންތައް ފޯރިއާއެކު ކުރިއަށް އެބަދެއެވެ.
ދުވުމަކާއި ފެތުމެއް އެކުލެވޭ މިރޭހަކީ އައްޑޫގައި ބޭއްވޭ މިފަދަ ފުރަތަމަ ރޭހެވެ. ރަންސްވިމް އައްޑޫގައި ބައިނަލް އަގުވާމީ މެރަތަން ވެސް ފުރިހަމަ ކޮށްފައިހުރި ރާއްޖޭގެ "އަޔަންމޭން" އަހުމަދު އާތިފްވެސް ވަނީ ބައިވެރިވެ ފަރިތަކުރުންތައް ފަށާފައެވެ.
ކުދި އުމުރުފުރާއަށް ވެސް ހުޅުވާލެވިފައިވާ މިރޭހަށް އައްޑޫގެ އިތުރުން ރާއްޖޭގެ އެހެނިހެން ކަންކޮޅުތަކުންވެސް ތަރުހީބު ލިބެމުން އަންނަ އިރު ރޭހުގެ ބައިވެރިން އަންނަނީ ފެތުމާއި ދުވުމުގައި ފަރިތަކުރުންތައް ކޮންމެ ދުވަހަކުވެސް ކުރިއަށް ގެންދަމުންނެވެ.
ރަން ސްވިމްއަކީ ހިތަދޫ ފަތާ ޓްރެކުން ފެށިގެން ލިންކު ރޯޑުގައި ވަކި މިންވަރަކަށް ދުވުމަށް ފަހު އެނބުރި ފަތާ ޓްރެކާ ހަމައަށް އައިސް، މޫދުގައި ވަކި މިންވަރަކަށް ފެތުމަށް ފަހު ނިންމާލާ ރޭހެކެވެ.