ޕޮޓޭޓޯ ބިރިޔާނީ

* ބޭނުންވާ ތަކެތި:

4 ޖޯޑް ބަތް (ބާސްމަތޯ ހަނޑުލުގެ)

2 ފިޔާ (ހިމުންކޮށް ކޮށާފައި)

1 ސައި ސަމުސާ އިނގުރު (ޗިސްކޮށްފައި)

1 ސައި ސަމުސާ ލޮނުމެދު (ޗިސްކޮށްފައި)

1/2 ޖޯޑް ހިކި މޭބިސްކަދުރު

1/3 ޖޯޑް ކެޖޫނަޓް ނުވަތަ ކަނަމަދު

2 ހިކަނދި ފަތް

1/4 ފަޅި ގިތޮޔޮ މިރުސް

1/2 ސައި ސަމުސާ މުގުރި ދިރި

1/2 ސައި ސަމުސާ މުގުރި ފޮނިތޮށި، ކާފޫރުތޮޅި

2 މޭޒުމަތީ ސަމުސާ ހަވާދު

2 ކެޕްސިކަމް (ކަރުގަނޑު ނަގައި ކޮށާފައި)

1 ޓޮމާޓޯ (ހަނި ދިގުކޮށް ކޮށާފައި)

1 މޭޒުމަތީ ސަމުސާ ޓޮމާޓޯ ޕޭސްޓް

3 އަލުވި (ކުދިކޮށް ކޮށާފައި)

1/2 ސައި ސަމުސާ މުގުރި އަސޭމިރުސް

1 ނޫޑްލްސްގެ ހަވާދު ޕެކެޓް

6 ރާނބާފަތް ކޮޅު (1/2 އިންޗި އަށް ބުރިކޮށްފައި)

ކުލަ ހިފާ ވަރަށް ރީނދޫކޮޅެއް

2 ބިސް (ފެނު ކައްކާފައި)

ރަހަލާ ވަރަށް ލޮނުކޮޅެއް

ތެލުލާފައި ހުރި ފިޔާ، ހިކި މޭބިސްކަދުރު އަދި ކެޖޫނަޓް (ގާނިޝް ކުރަން)

* ތައްޔާރު ކުރާނެ ގޮތް:

ތަވާ އުނދުން މައްޗަށް އުދާލުމަށް ފަހު ކުޑަ ތެޔޮފޮދެެއް އަޅާފައި ހޫނުވީމާ ފިޔާ، ގިތޮޔެ މިރުސް، ހިކަނދި ފަތް، ރާނބާފަތް، ކެޖޫނަޓް، ހިކި މޭބިސްކަދުރު އަޅާފައި މޯޅިވެލަންދެން ހަަލަމުންދާށެވެ.

ދެން ބަތް ފިޔަވައި ބާކީ ހުރި އެހެން ތަކެތި އެއްކޮށްފައި ރޯފިލުމުން ބަތްކޮޅު އެއްކޮށްފައި ރަހަލާ ވަރަށް ލޮނު އަޅާލުމަށް ފަހު ރަހަ ހެޔޮވަރުވީމާ އުނދުންމަތިން ބާލާށެވެ. ދެން ތަށްޓަކަށް އަޅާފައި މައްޗަށް ތެލުލާފައި ހުރި ހިކި މޭބިސްކަދުރު، ފިޔާ އަދި ކެޖޫނަޓް ބަތް ތަށީގެ މައްޗަށް ވިއްސާލާފައި ފެނު ކެއްކި ބިސް ވެސް ފަޅިކޮށްފައި އަތުރާލާށެވެ.