ރޯދަ މަހުގެ ފުރަތަމަ ދުވަހާއި ދިމާކޮށް ހިތަދޫގައި އިތުރު ސްޕަމާޓެއް ހުޅުވައިފިއެވެ. ފޭދޫ ބަނދަރު ސަރަހައްދުގައި މިހާރުވެސް ބޮޑު ސްޕަމާޓެއް ހިންގަމުން އަންނަ "ތްރީއެސް" އިން ހިތަދޫގައި ސްޕަމާޓެއް ހުޅުވާފައިވަނީ ހިތަދޫ ބޮޑު މަގުގައެވެ.
ހިތަދޫގެ މެދާއި ހިސާބުން ބޭރުމަތީގައި ހުޅުވި ސްޕަމާޓުން އާއްމު ކޮށްލިބެން ހުންނަ ގިނަ ބާވަތްތައް އަގުހެޔޮ ކަމާއި އެކު ލިބޭނެ ކަމަށް އެފިހާރައިން ބުނެއެވެ.
ތްރީއެސްގެ ވެރިއާ ހުސެއިން ވިދާޅުވީ ހިތަދޫގައި ހުޅުވި ފިހާރައިން ތަރުކާރީ އާއި މޭވާ އަގުހެޔޮކޮށް ތާޒާ ކަމާއި އެކު ލިބެން ހުންނާނެކަމަށެވެ.
އަދި ރޯދަމަހުގެ ފުރަތަމަ ދުވަހާއި ދިމާކޮށް ހުޅުވީ ކަސްޓަމަރުންނަށް ވީހާވެސް އަވަހަށް ހިދްމަތް ދިނުމަށްކަމަށެވެ. ނަމަވެސް މީ ރަސްމީ ހުޅުވުމެއް ނޫން ކަމަށް ހުސެއިން ވިދާޅުވިއެވެ.
ހުސެއިން ވިދާޅުވީ ފުރަތަމަ ދުވަހު އެކަނިވެސް ވަރަށް ބޮޑު ތަރުހީބެއް ކަސްޓަމަރުންގެ ފަރާތުން ލިބިފައިވާ ކަމަށެވެ. ނަމަވެސް މުދާ ލިބުމުގެ ދަތިކަމެއް އުޅޭތީ ކަސްޓަމަރުންނަށް ބޭނުންވާ ބައެއް ސާމާން މިވަގުތު ލިބެން ނެތްކަމަށެވެ.
ތްރީއެސް ފޭދޫ ސްޕަމާޓަކީވެސް ގިނަ ބަޔެއްގެ މަގްބޫލްކަން ހޯދާފައިވާ ސްޕަމާޓެކެވެ. އަދި ކޮންމެ އަހަރެއްގެ ރޯދަމަހަށް ބޭނުންވާ ގިނަ ސާމާން ގެނެސް އަގުހެޔޮކޮށް ވިއްކާ ފިހާރައެކެވެ.