ބައިނަލްއަގުވާމީ މުބާރާތްތަކުގައި ދިވެހި ރާއްޖެ ތަމްސީލު ކުރަމުން އަންނަ އައްޑޫގެ ޒުވާން ދުވުންތެރިޔާ، އާއިޝަތު ހިމްނާ ހަސަންއަށް ކަލާސް އެވޯޑު ލިބިއްޖެއެވެ.
ހުރަވީ ސްކޫލުގައި ބޭއްވި ރަސްމިއްޔާތުގައި ހިމްނާއަށް އެވޯޑު ހަވާލުކޮށްދެއްވީ ކުރީގެ ކީޕަރު އަދި ކޯޗު މައުރޫފް އަހުމަދު(މާއްޓެ) އެވެ.
އިންޓަ ސްކޫލް އެތްލެޓިކްސް އިން ވިދާލި ހިމްނާ ވަނީ ސަރަހައްދީ މުބާރާތްތަކުގެ އިތުރުން ގައުމީ ފެންވަރުގައި އަދި ބައިނަލް އަގުވާމީ ފެންވަރުގައި ރަން ވަނަތައް ހާސިލުކޮށްފައެވެ. ހިމްނާ ވަނީ ވޯލްޑް ޗެމްޕިއަންޝިޕްސް ގެ އިތުރުން އައިއޯއައިޖީ ގައި ވެސް ގައުމީ ޓީމާއެކު ބައިވެރިވެފައެވެ.
ކުޅިވަރުގެ ދާއިރާގައި ރާއްޖޭގައި ފާހަގަކޮށްލެވޭ ކުޅުންތެރިންނަށް އަރުވާ ކަލާސް އެވޯޑު، 14 ކެޓެގަރީއަކުން ޖުމުލަ 224 އެތްލީޓުން ވަނީ ހާސިލުކޮށްފައެވެ.