އެސްޓީއޯއިން ހުޅުމީދޫގައި އިމާރާތްކުރި ހަތަރުބުރީގެ އާ އިމާރާތަށް އެސްޓީއޯ ހުޅުމީދޫ ފިހާރަ ބަދަލުކޮށް އެފިހާރައިން ޚިދުމަތްދޭން ފަށައިފިއެވެ.
އެގޮތުން މީދޫން ކުއްޔަށް ނަގައިގެން ބޭނުން ކުރަމުން އައި ގުދަންވެސް ވަނީ އާ އިމާރާތަށް ބަދަލުކޮށްފައިއެވެ.
އެސްޓީއޯއިން ކުރިން ހުޅުމީދޫގައި ފިހާރަ ހިންގަމުން އައީ ހުޅުދޫ ބޮޑު މަގުން ހިމާރާތެއް ކުއްޔަށް ހިފައިގެންނެވެ.
އެސްޓިއޯ އިން ބުނީ ހުޅުމީދޫގައި އިމާރާތްކޮށްފައިވާ 4 ބުރީގެ އިމާރާތުގެ ފުރަތަމަ ފަންގިފިލާ ހުޅުދޫ އޮފީހާއި މީދޫ އޮފީސް ހިންގުމަށް ސިޓީ ކައުންސިލަށް ކުށްޔަށް ދީފައިވާކަމަސެވެ. އަދި އަނެއް ދެބައި ލޯކޮލެޖް ހިންގުމަށް ކުށްޔަށްދީފައިވާކަމަށް އެސްޓީއޯއިން ވަނީބުނެފައެވެ.
އެސްޓީއޯ ހުޅުމީދޫ ފިހާރަ ހުޅުވާފައިވަނީ 2009 ވަނަ އަހަރުގެ އޮގަސްޓްމަހުގެ 19 ވަނަ ދުވަހުއެވެ. އެ ފިހާރަ ހުޅުއްވައި ދެއްވީ ކުރީގެ ރައީސް ނަޝީދުގެ ސަރުކާރުގައި ފިޝަރީޒް އެންޑް އެގްރިކަލްޗަރ މިނިސްޓަރ ކަންކުރެއްވި ޑރ.އިބްރާހިމް ދީދީއެވެ.
ހުޅުމީދޫގައި އެސްޓީއޯއިން އިމާރާތްކޮށްފައިވާ 4 ބުރީގެ އިމާރާތަކީ 2009 ވަނަ އަހަރުގެ އެޕްރީލްމަހު ރައީސް ނަޝީދު ހުޅުމީދުއަށް ކުރެއްވި ދަތުރުފުޅެއްގައި ބިންގާއަޅުއްވައިދެއްވި އިމާރާތެކެވެ.