ހުޅުމާލޭގައި މިރޭ ތޫނު އެއްޗަކުން ހަމަލާދީ މީހަކު މަރާލައިފިއެވެ.
ހުޅުމާލެ ހޮސްޕިޓަލް ހިންގާ އާސަންދަ ކުންފުނިން ބުނީ މިރޭ ޒަހަމްތަކާއި އެކު އެ ހޮސްޕިޓަލަށް ގެނައި މީހަކަށް ފަރުވާ ދެމުން ދަނިކޮށް މަރުވެފައިވާ ކަމަށެވެ.
ފުލުހުން ބުނީ މިރޭ ހުޅުމާލެ ހިތިގަސް މަގުގައި ޒަހަމްތަކާއި އެކު ވެއްޓިފައި އޮތް މީހެއްގެ މައުލޫމާތު ލިބުމާއި ގުޅިގެން އެމީހާ އެމްބިއުލެންސްގައި ހުޅުމާލެ ހޮސްޕިޓަލަށް ގެންގޮސްފައިވާ ކަމަށެވެ.
ހުޅުމާލެ ހޮސްޕިޓަލުން ބުނީ އެމީހާގެ އަތަށާއި ކަރަށް ފުން ޒަހަމްތަކެއް ލިބިފައިވާ ކަމަށެވެ. އަދި އެމީހާ މަރުވެފައިވަނީ ފަރުވާ ދެމުން ދަނިކޮށް މިރޭ 9:50 ހާއިރު ކަމަށެވެ.
މަރުވެފައިވަނީ 59 އަހަރުގެ ދިވެހި ފިރިހެނެކެވެ. ނަމަވެސް އޭނާގެ ވަނަވަރު އަދި ސާފެއް ނުވެއެވެ.
ތަފްސީލް އަންނަނީ……