އައްޑޫގައި ސޯލާ ކަރަންޓުގެ 11 މެގަވޯޓު ޖެހުމުގެ މަސައްކަތް މިމަހުގެ ތެރޭގައި ޓެންޑާ ކުރެވޭނެ ކަމަށް ފެނަކަ ކޯޕަރޭޝަންގެ މެނޭޖިން ޑިރެކްޓަރ މުހައްމަދު ސައީދު ވިދާޅުވެއްޖެއެވެ.
ސައީދު މިފަދައިން ވިދާޅުވީ މިހާރު ޝަރަފުއްދީން ސްކޫލްގައި ކުރިއަށްދާ " އައްޑޫ ކައުންސިލް ވޯކްޝޮޕް"ގައި އައްޑޫގައި ވާހަކަފުޅު ދައްކަވަމުންނެވެ.
ސައީދު ވިދާޅުވީ އައްޑޫގައި 30 މެގަވޯޓުގެ ކަރަންޓި ދިނުމަށް ފެނަކައި މަސައްކަތް ކުރަމުންދާއިރު ސޯލާ އިން ހަކަތަ އުފެއްދުމަށްވެސް މަސައްކަތް ކުރަމުންނެވެ. އެގޮތުން މިހާރު ސޯލާ ކަރަންޓު ދިނުމަށް ފްލޯޓިން ޕެނަލް 10 މެގަވޯޓާއި އަދި އެއްްގަމުގައި 1 މެގަ ވޮޓް ޕެނަލް ޖެހުމަށް ޓެންޑާ ކުރުމަށް ނިންމާފައިވާ ކަމަށެވެ.