ރައީސް ޑރ. މުހައްމަދު ވަހީދު އާ އެކު ގައުމީ ޕާޓީން ހަދާފައިވާ ކޯލީޝަނުން ވަކިވެ ޖުމްހުރީ ޕާޓީ އާ ކޯލިޝަން ހަދަން ގައުމީ ޕާޓީގެ ކައުންސިލުން ނިންމައިފި އެވެ.
ގައުމީ ޕާޓީން ޖޭޕީ އާއި ގުޅުމަށް ނިންމާފައިމިވަނީ ޖޭޕީގެ ރިއާސީ ކެންޑިޑެޓް ގާސިމް އިބްރާހިމްގެ ރަނިންމެޓަކަށް ޑރ. ހަސަން ސައީދު ހަމަޖެއްސުމަށް ނިންމާފައިވާ ކަމުގެ އަޑުތަކެއް ފެތުރިފައިވަނިކޮށެވެ.
ޖޭޕީން ބުނެފައިވަނީ މިރޭ އެޕާޓީގެ ކޮންގެރެސްގައި ރަނިންމޭޓް އިއްލާން ކުރައްވާނެ ކަމަށެވެ.
"ގައުމާއިގެން ކުރިއަށް" ކޯލިޝަނުން ގައުމީ ޕާޓީ ވަކިވާ އިރު އަދާލަތު ޕާޓީން ވެސް ވަނީ ކޯލިޝަނުން ވަކިވެފަ އެވެ. އަދި އެ ޕާޓީން ވެސް ވަނީ ޖޭޕީ އާއި ގުޅުމަށް ނިންމާފަ އެވެ.
އަޑުއިވޭ ގޮތުގައި ގާސިމްގެ ރަނިންމޭޓަކަށް ޑރ. ހަސަން ހަމަޖެއްސެވީ އެމަނިކުފާން 2008 ގެ އިންތިހާބްގައި އަމިއްލަ ގޮތުން ނިކުންނަވައި ހޯއްދެވި ކާމިޔާބީއަށް ވެސް ބެއްލެވުމަށް ފަހުގަ އެވެ.