ރާއްޖެ އެންމެ މަޝްހޫރު ދުވަހު ނޫސް "ހަވީރު" ގައި ރާއްޖޭގެ ކުރީގެ މަަޝްހޫރު ލަވަ ކިއުންތެރިޔާ އަލީ ރަމީޒާ ގުޅޭ ގޮތުން މިއަދު ގެނެސް ދީފައިވާ އާޓިކަލްގެ ސުރުހީގައި "ލަވައިގެ ދުނިޔޭގައި ސަޕޯޓަރުންގެ އަޅެއް، މިހާރު ﷲގެ އަޅެއް" ކަމަށް ފަދަ އިބާާރާތްތައް ލިޔާކަށް ނުވާނެ ކަމަށް އިސްލާމިކް މިނިސްޓަރު ޝެއިހް މުހައްމަދު ޝަހީމް އަލީ ސައީދު ވިދާޅުވެއްޖެ އެވެ.
އަހުމަދު އަބްދުﷲ ސައީދު ތަރުޖަމާކޮށްފައިވާ އެ ލިއުމާ ބެހޭ ގޮތުން ޝަހީމް އޭނާގެ އެފްބީ ސްޓޭޓަސްގައި ވިދާޅުވެފައި ވަނީ އަލީ ރަމީޒަކީ "ކުރިން ވެސް ﷲ ގެ އަޅެއް، މިހާރު ވެސް އެއީ ﷲ ގެ އަޅެއް" ކަމަށެވެ.
އަލީ ރަމީޒާ ބެހޭ ގޮތުން ލިޔެފައިވާ އާޓިކަލްގައި އޭނާ އާ ހަވާލާ ދީ ބުނެފައި ވަނީ ސައޫދީ އަރަބިއްޔާގެ ބްރޯޑްކާސްޓިން ކުންފުންޏެއް ކަމަށްވާ މިޑްލް އީސްޓް ބްރޯޑްކާސްޓިން ސެންޓަރު (އެމްބީސީ) އަށް ދާދި ފަހުން ދިން އިންޓަވިއުއެއްގައި އަލީ ރަމީޒް ބުނެފައިވާ ގޮތުން އޭނާ މިޔުޒިކް ކުޅެ ލަވަކިޔައި އުޅުނު ދުވަސްވަރު އޭނާ އަށް ހުރެވުނީ އޭނާއަކީ ސަޕޯޓަރުންގެ އަޅެއްގެ ގޮތުގައި ކަމަށެެވެ.
"ނަމަވެސް މިހާރު އެއީ ﷲގެ އަޅެއް ކަމަށާއި އެކަން އިހްސާސްކު ރެވުނީ، މިޔުޒިކާއި ލަވައިގެ ދުނިޔެ އިން ނުކުމެ ހަގީގީ ދުނިޔެ އަށް ނޭވާލަން ފެށުމުން ކަމަށް އަލީ ރަމީޒު ބުނެފައި އެވެ." ހަވީރުގައިވެ އެވެ.