އައްޑޫގައި އިކޯ ޓުއަރިޒަމް ތަރައްޤީކުރުމަށް އިންޑިއާއިން އެހީ ދިނުމަށް ނިންމައި އެއްބަސްވުމުގައި މިއަދު ސޮއި ކުރުމަށް ހަމަޖެހިއްޖެއެވެ.
މައުލޫމާތު ލިބިފައިވާ ގޮތުގައި އިންޑިއާ އާއި ރާއްޖެ އާއި ދެމެދު މިއަދު ހާއްސަ އެއްބަސްވުންތަކެއްގައި ސޮއި ކުރުމަށް ވަނީ ހަމަޖެހިފައެވެ. އަދި އެއްބަސްވުންތަކުގައި ސޮއި ކުރުން މިއަދު މެންދުރު 12:30ގައި ބޭއްވުމަށް ވަނީ ނިންމާފައެވެ.
އެނގިފައިވާ ގޮތުގައި މިއަދުގެ އެއްބަސްވުމުގެ ތެރޭގައި އައްޑޫގައި އިކޯ ޓޫރިޒަމް ތަރައްޤީ ކުރުމަށް ބޮޑު އެހީއެއްް ދިނުމަށް ވަނީ ހަމަޖެހިފައެވެ. މި އެހީގެ ދަށުން އައްޑޫގައި އިކޯ ޓޫރިޒަމް ތަރައްޤީ ކުރުމަށް 5 ޓޫރިޒަމް ޒޯން ކަނޑައަޅައި، 3 ނެއިބަރހޫޑް މަސް ޕްރޮސެސް ކުރުމުގެ ޕްލާންޓް ތަރައްޤީ ކުރުމަށް ނިންމާފައެވެ.
މިއެއްބަސް ވުމުގެ ދަށުން ކަނޑައެޅޭ ޓުއަރިޒްމް ޒޯންތައް ފަރުމާކުރެވޭނީ، އިޤްތިޞާދީ ހަރަކާތްތަކާއި ލާމަރުކަޒީ ވެރިކަމަމެއްގައި އައްޑޫގެ އިގްތިސާދު ކުރިއަށްދާނެ ގޮތަށެވެ. އަދި މީގެ ސަބަބުން އައްޑޫ އަކީ މި ސަރަހައްދުގެ އިޤްތިޞާދީ މައި ހަބަކަށްވުމުގެ އިތުރުން ފަތުރުވެރިކަމުގައި އަރާހުރި ސިޓީއަކަށް ވެގެންދާނެ ގޮތަށެވެ.
މީގެ އިތުރުން އިންޑިއާގެ އެހީގައި އައްޑޫގައި 3 ގޭދޮށު މަސްފެކްޓަރީ ހެދުމަށް ވަނީ އެހީ ދިނުމަށް ނިންމާފައެވެ. ސ. މަރަދޫ، ހިތަދޫ އަދި ހުޅުދޫގައި ގާއިމް ކުރުމަށް ނިންމާފައިވާ ގޭދޮށު މަސް ފެކްޓަރީގެ ޑިޒައިނިން މަސައްކަތް ކުރުމަށް މިހާރު ވަނީ އިއްލާންކޮށް އަމަލީ މަސައްކަތް ފަށާފައެވެ.