ދަރުމަވެރިޔާ އަހުމަދު ހިސާންއަށް ޖިންސީ ގޯނާގެ ތުހުމަތު ކުރެވޭކަން ޖެންޑާ އެނގިތިބެ އޭނާއަށް "އޮނަރަރީ ޑިސްއެބިލިޓީ އެމްބެސެޑާ"ކަން ދިން މައްސަލާގައި ޖެންޑާ މިނިސްޓަރ ޝިދާތާ ޝަރީފު ފެއިލްވެއްޖެ ކަމަށާއި އޭނާގެ އިސްތިއުފާއަށް މަޖްލިސް މެމްބަރުން ގޮވާލައިފިއެވެ.
ހިޝާންއަށް "އޮނަރަރީ ޑިސްއެބިލިޓީ އެމްބެސެޑާ" ކަން ދިން މައްސަލާގައި ޖެންޑާގެ އިސްވެރިން ފިޔަވަޅު އެޅުމަށް ގޮވާލައި ގަލޮޅު ދެކުނު ދާއިރާގެ މެމްބަރު މީކާއިލް ނަސީމު ހުށަހެޅުއްވި މައްސަލައިގެ ބަހުސްގައި ގިނަ މެމްބަރުން ވަނީ ޝިދާތާ ވަގުތުން ވަގުތަށް އިސްތިއުފާ ދިނުމަށް ވަނީ ގޮވާލާފައެވެ.
މި މައްސަލައިގެ ބަހުސްގައި ވާހަކަ ދައްކަވަމުން ގަލޮޅު އުތުރު ދާއިރާގެ މެމްބަރު އީވާ އަބްދުﷲ ވިދާޅުވީ ޝިދާތާގެ ފަރާތުން ފެންނަނީ ކަމަކަށް ފަހު ކަމަކުން ފެއިލް ވަމުން އަންނަތަން ކަމަށެވެ. އަދި ވަގުތުން އިސްތިއުފާ ދިނުމަށް އީވާ ވިދާޅުވިއެވެ.
މި މައްސަލައަށް ބަހުސް ކުރައްވަމުން ހެންވޭރު ހުޅަނގު ދާއިރާގެ މެމްބަރު ހަސަން ލަޠީފު ވިދާޅުވީ އެމްޑީޕީއިން ވަކާލާތު ކުރީ އޯގާތެރި ސަރުކާރަކަށް ކަމަށާއި ނަމަވެސް މިއަދު މި ފެންނަނީ އެ ގޮތް ނޫން ކަމަށެވެ. އަދި މިއީ އެމްޑީޕީގެ މެމްބަރުންނަށް ބަލައިގަނެވޭނެކަމެއް ނޫންކަމަށެވެ. އެހެންވެ ވަގުތުން މިނިސްޓަރ އިސްތިއުފާ ދެއްވުމަށް ހަސަން ލަޠީފު ވިދާޅުވިއެވެ. ހަސަން ލަޠީފު ވިދާޅުވީ އިސްތިއުފާ ނުދެއްވައިފިނަމަ މަގާމުން ވަކި ކުރުމުގެ މަސައްކަތް މިއަދުން މިއަދަށް މަޖްލިސްއިން ފަށަން ޖެހޭނެކަމަށް ގަބޫލް ކުރައްވާކަމަށެވެ.
ތަފްސީލް އަންނަނީ…