ކުޑަކުދިންނަށް ޖިންސީ ގޯނާކުރުމުގެ ތުހުމަތުތަކެއް ކުރެވޭ، އަހުމަދު ހިޝާނަށް "އޮނަރަރީ ޑިސްއެބިލިޓީ އެމްބަސަޑަރު" ދިނުމުގައި ނައިބް ރައީސް ފައިސަލް ނަސީމުގެ ނުފޫޒު އޮތް ކަމަށް ބައެއް މަޖްލިސް މެމްބަރުން ތުހުމަތު ކުރައްވައިފިއެވެ.
ހިޝާނަށް "އޮނަރަރީ ޑިސްއެބިލިޓީ އެމްބަސަޑަރު" ދިނުމުގައި ޖެންޑާ މިނިސްޓްރީ އިހުމާލުވެފައިވާކަމަށް ވިދާޅުވެ ގަލޮޅު ދެކުނު ދާއިރާގެ މެމްބަރު މީކާއިލް ނަސީމު ހުށަހެޅުއްވި ކުއްލި މައްސަލައަށް ބަހުސް ކުރައްވަމުން ބިލެއްދޫ ދާއިރާގެ މެމްބަރު އަހުމަދު ހަލީމް ވިދާޅުވީ ރާއްޖޭގައި ކުޑަކުދިންނަށް އެއްވެސް ރައްކާތެރިކަމެއް ނެތް ކަމަށާއި، މުދިމުންނާއި، ގުރުއާން ޓީޗަރުން އަދި ޕްރިންސިޕަލުންގެ ފަރާތުން ކުޑަކުދިންނަށް ޖިންސީ ގޯނާ ކުރަމުން އަންނަ ކަމަށެވެ.
އަދި ރުގްޔާ ކިޔެވުމުގެ ނަމުގައި ވެސް ކުޑަކުދިންނަށް ޖިންސީ ގޯނާ ކުރަމުން އަންނަ ކަމަށް ހަލީމު ވިދާޅުވިއެވެ.
ހަލީމް ވިދާޅުވީ މި މައްސަލަ ބެލުމަށްފަހު ޖެންޑާ މިނިސްޓްރީއަށް ފިޔަވަޅު ނޭޅިގެން އުޅެނީ ކީއްވެތޯ ސުވާލުނ އުފައްދަން ބޭނުން ކަމަށެވެ. އެގޮތުން ހިޝާން އަށް އެމްބެސެދަރުކަން ދިނީ ގައުމުގެ ނައިބް ރައީސްގެ އެދުމުގެ މަތިން ތޯ އާއި ފިޔަވަޅު ނޭޅިގެން އުޅެނީ ނައިބް ރައީސާއި އޮތް ގުޅުމުގެ ސަބަބުންތޯ ހަލީމު ސުވާލު ކުރެއްވިއެވެ.
ހަލީމު ވިދާޅުވީ މިކަމަށް ފިޔަވަޅު ނޭޅިގެން އުޅެނީ ނައިބް ރައީސް އާއި ގުޅުމެއް އޮވެތޯ ސުވާލު އުފެދޭ ކަމަށެވެ.
ތަފްސީލް އަންނަނީ….