ރޭ ކުޅުނު ކުރުގާ ގޯދިއްޔާ ފުޓްސަލްގައި މަލްޓީ ޖީނިއަސް އާއި އެފްވައިސީ އަދި ހަބޭސް މޮޅުވެއްޖެ އެވެ.
ރޭ ކޫލުނު ފުރަތަމަ މެޗްގައި މަލްޓީ ޖީނިއަސް އާއި ރެސްކިއު ބައްދަލު ކުރި މެޗް 2-0 ލަނޑުން ކާމިޔާބް ކުރީ މަލްޓީ ޖީނިއަސް ސިޓީއެވެ. މަލްޓީ ޖީނިއަސްގެ ދެ ލަނޑުގެ ތެރެއިން 1 ލަނޑު ޖެހީ ޝަންވީލް ގާސިމް (ބޮންޑާ) އެވެ.
ދެވަނަ ލަނޑު ޖަހައިދިނީ އަލީ އަޒުވަރުއެވެ. މެޗްގެ މޮޅު ކުޅުންތެރިއަކީ ބޮންޑާ އެވެ.
ރޭގެ ދެވަނަ މެޗްގައި ގްރޫޕްއޭގެ އެފްވައިސީ އާއި އޯޕީއެޗް ސްޕޯޓްސް ބައްދަލުކުރި މެޗް 3-0 ލަނޑުން ކާމިޔާބް ކުރީ އެފްވައިސީއެވެ. އެފްވައިސީ އަށް ލަނޑު ޖަހައި ދިނީ އިބްރާހިމް ލަޠީފް އާއި ޠާހާ މުހައްމަދު (ޓޮޓީ) އަދި އަލީ ޝިފާއު އެވެ.
މި މެޗްގައި އޯޕީއެޗްގެ އެންމެ މުހިއްމު އެއް ކުޅުންތެރިއާ އިބްރާހިމް ދީދީއަށް ރެފްރީވަނީ ރަތްކާޑު ދައްކާ ދަނޑުން ފޮނުވާލާފައެވެ. މެޗްގެ މޮޅު ކުޅުންތެރިއަކީ އެފްވައިސީގެ އިބްރާހިމް ލަޠީފް އެވެ.
ރޭގެ ފަހުމެޗްގައި ހަބޭސް އާއި މާކަރީ ޔުނައިޓެޑް ކުޅުނު މެޗް ހަބޭސްއިން ކާމިޔަބު ކުރީ 4-1 ލަނޑުންނެވެ. ހަބޭސްގެ 4 ލަނޑުގެ ތެރެއިން 3 ލަނދު ޖަހައި މޮޅު ކުޅުންތެރިއާ ހޯދީ އަބްދުﷲ އިމްރާން އެވެ.
ފަހު ލަނޑު ޖަހައިދިނި އަހުމަދު މުއާޒްއެވެ. މާކަރީގެ ހަމައެކަނި ލަނޑު އެޓީމަށް ޖަހައި ދިނީ މުހައްމަދު އަލީ އެވެ.
މިރޭ ކުޅޭ މެޗްތަަކަށް ބަލާއިރު ފުރަތަމަ މެޗްގައި ބައްދަލު ކުރާނީ ޝަންގްރިއްލާ ޔުނައިޓެޑް އާއި އެފްއާރްޓީއެވެ. ދެވަނަ މެޗްގައި ބައްދަލު ކުރާނީ ޒެލޯން އާއި ޔަންގް ވަންސްއެވެ. ފަހުމެޗްގައި ކުޅޭނީ އެފްސީ ރެސްޕެކްޓް އާއި ފްރަންޑްސް ކްލަބް އެވެ.