އައްޑޫގެ މިސްކިތްތަކުން ނަމާދު ކުރާއިރު މައިކް ބޭނުން ކޮށްގެން ގުރުއާން ނުކިޔެވޭނެ ގޮތަށް ނިންމައި އިމާމުން ލައްވައި ސޮއި ކުރުވައިފި އެވެ.
"އައްޑޫ ލައިވް" އާ ވާހަކަ ދެއްކި މުދިމަކު ބުނީ ކައުންސިލް އިދާރާގެ އިންފްރާ ސްޓަކްޗަ ހިންގެވުމާ ހަވާލުވެ ހުންނެވި ހިތަދޫ މެދު ދާއިރާގެ ކައުންސިލަރު ހުސެއިން ހިލްމީ ސޮއިކޮށް ނެރެފައިވާ ބަޔާނެއްގައި މުދިމުން ލައްވައި ސޮއި ކުރުވާފައިވާ ކަމަށެވެ.
މިކަމާއި ގުޅިގެން ހުސެއިން ހިލްމީ ސޮއި ކޮށްފައިވާ ލިއުމުގައިވާ ގޮތުން މައިކް ބޭނުން ކުރެވޭނީ ބަންގި ގޮވުމަށާއި ހުޠުބާ ކިއުމަށް އެކަނި ކަމަށެވެ.
އައްޑޫގެ މިސްކިތްތަކުން ނަމާދު ކުރާއިރު މައިކް ބޭނުން ކޮށް ކިޔަވާ އަޑު ދުރައް ފޮނުވާތާ އަހަރުތަކެއް ވެއްޖެ އެވެ. އަދި ހާއްސަކޮށް ރޯދަމަހު ތަރާވީސް ކުރާ އަޑު ދުރައް ފޮނުވަ އެވެ.
މުދިމު ބުނީ މިސްކިތް ތަކާއި ހަވާލުވެ ތިއްބެވި މުވައްޒަފުން ބުނީ އެކަން ހުއްޓުވުމަށް ކައުންސިލުން ނިންމެވީ އާއްމުންގެ ޝަކުވާ އާއި ހެދިކަމަށެވެ. ނަމަވެސް މިދިޔަ ހަފްތާގެ ބުރާސްފަތި ދުވަހުން ފެށިގެން މިސްކިތްތަކުން ކިޔަވާ އަޑު ނީވެގެން އާއްމުން ވަނީ ކަންބޮޑުވުން ފާޅުކޮށްފައެވެ.
ކައުންސިލުން ގުރުއާން ކިޔަވާ އަޑު ކަނޑުވާފައިވާއިރު ރިއާސީ އިންތިހާބްގެ ކެމްޕެއިންގައި ޕީޕީއެމް އާއި އެމްޑީޕީން ޖަގަހަ ތަކުން ބާރަށް ލަވަޖެހުން ވަނީ ރޭގަނޑު 11 ޖެހުމާއި ހަމައަށް ހުއްދަކޮށްފައެވެ. އަދި އެކަމާއި އުނދަގޫވެގެން މިހާތަނަށް ކައުންސިލަށް އެއްކަމެއްވެސް ނުކުރެވެ އެވެ.
މުދިމު ބުނީ "ބުދު" ބެހެއްޓި ކައުންސިލުން ގުރުއާންގެ އަޑު ކަނޑުވަން މަސައްކަތް ކުރުމުން އެކަމާ ކަންބޮޑު ނުވާ ކަމަށެވެ. އަދި ދުވަސްކޮޅަކުން ބަންގީގެ އަޑު ވެސް ހަރުކޮށް ނުދެވޭނެ ގޮތަށް ހަދާނެ ކަމަށެވެ.
ކައުންސިލުން ޤުރުއާން ކިޔަވާ އަޑު ދުރައް ފޮނުވަން ދެކޮޅު ހަދާފައިވާ އިރު ޑެޕިއުޓީ މޭޔަރު ވަނީ ހުޠުބާއަށް ފާޑުވިދާޅު ހުޠުބާ އަށް ޖޯކު ޖައްސަވާފަ އެވެ.