ރިސޯޓު މުވައްޒަފުންގެ ސާވިސް ޗާޖު ދޭނީ މަސައްކަތް ކުރާ ވަގުތަށް ނިސްބަތްކޮށް ކަމަށް ވަޒީފާ އާއި ބެހޭ ގާނޫނަށް ސަރުކާރުގެ ފަރާތުން އިސްލާހު ހުށަހަޅައިފިއެވެ.
ވަޒީފާ އާއި ބެހޭ ގާނޫނުގެ 52 ވަނަ މާއްދާއަށް ސަރުކާރުގެ ފަރާތުން ހުށަހެޅި އިސްލާހާއި އެކު ރިސޯޓުތަކުގައި މަސައްކަތް ކުރާ މުވައްޒަފުން ދަނީ ކަންބޮޑުވުން ފާޅު ކުރަމުންނެވެ.
ސަރުކާރުގެ ފަަރާތުން ކެޑިކުޅުދޫ ދާއިރާގެ މެމްބަރު އަހުމަދު އީސާ ހުށަހެޅި އިސްލާހުގައިވާ ގޮތުން މުވައްޒަފުންނަށް ސަރވިސް ޗާޖް ބެހުމުގައި، ކޮންމެ މުވައްޒަފަކު މަސައްކަތްކުރި ގަޑިއިރަކަށް ނިސްބަތްކޮށް، އެ މުވައްޒަފަކަށް ޙައްޤުވާ މިންވަރު ސަރވިސް ޗާޖުގެ ގޮތުގައި ދިނުމުގެ އިޚްތިޔާރު ވަޒީފާދޭ ފަރާތަށް ލިބިގެންވެއެވެ.
މި އިސްލާހާއި އެކު މަސައްކަތަށް ހާޒިރު ނުވާ މުވައްޒަފުންނާއި މަސައްކަތަށް ގަޑި ޖެހޭ މުވައްޒަފުންނަށް މަސައްކަތަށް ހާޒިރު ނުވާ ނިސްބަތުން ސާވިސްޗާޖު އުނިކުރުމުގެ އިހްތިޔާރު ވަޒީފާދޭ ފަރާތަށް ލިބިގެންވެއެވެ. އަދި މި އިސްލާހާއި އެކު ސިކްލީވް އަދި އަހަރީ ޗުއްޓީގައި ތިބޭ މުވައްޒަފުންނަށް ސާވިސް ޗާޖު ނުލިބޭނެއެވެ.
މީގެ އިތުރުންވެސް ސާވިސް ޗާޖުގެ ގޮތުގައި ލިބުނު ފައިސާގެ ޖުމްލަ އަދަދުގެ 1 ޕަސެންޓު އިދާރީ ފީގެ ގޮތުގައި ވަޒީފާދޭ ފަރާތަށް ނެގިދާނެއެވެ. ނަމަވެސް އޭގެ އިތުރަށް އެއްވެސް ފައިސާއެެއް ނުނެގޭނެ ކަމަށް އިސްލާހުގައިވެއެވެ.
ރާއްޖޭގެ ރިސޯޓު މުވައްޒަފުންނަށް ސާވިސްޗާޖު ނުލިބޭ މައްސަލާގައި އެމުވައްޒަފުން ޝަކުވާ ކުރަމުން އަންނަތާ އެތައް އަހަރެއްވެއްޖެއެވެ. މި ސަރުކާރުން ވައުދުވެފައިވަނީ ރިސޯޓު މުވައްޒަފުންނަށް ސާވިސް ޗާޖާއި، މިނިމަންވޭޖް ކަނޑައަޅައިދޭނެ ކަމަށެވެ. އަދި ވަޒީފާގެ ގެރެންޓީ ހޯދައިދޭނެ ކަމަށެވެ. ނަމަވެސް ވަޒީފާ އާއި ބެހޭ ގާނޫނަށް ހުށަހެޅިފައިވާ އިސްލާހާއި އެކު އެތައް ބަޔަކު ދަނީ ކަންބޮޑުވެ ސަރުކާރަށް ފާޑު ކިޔަމުންނެވެ.
މ