ޅ. ކުރެންދޫ ރިސޯޓަށް ޖައްސަން ދިޔަ ޓްރާންސް މޯލްޑިވިއަން އެއާވޭސް (ޓީއެމްއޭ)ގެ ސީޕްލޭނެއް ވައިގަދަވުމުގެ ސަބަބުން ބުރަފަތި ނެއްޓިއްޖެއެވެ.
މި ހާދިސާގައި އެއްވެސް މީހަކަށް ގެއްލުމެއް ނުވި ނަމަވެސް ބޯޓުގެ ބުރަފަތި އެއްކޮށްހެން ވަނީ ނެއްޓިފައެވެ. ބޯޓަށް ދިމާވި މައްސަލަ ހައްލު ކުރުމަށް ޓީއެމްއޭގެ ޓެކްނިކަން ޓީމުން މިހާރު ވަނީ ކުރެންދޫ ރިސޯޓަށް އައިސްފައެވެ. އަދި މައްސަލަ ހައްލު ކުރުމުގެ މަސައްކަތް ދަނީ ކުރަމުންނެވެ.
މިދިޔަ މަހުގެ ހަތަރުވަނަ ދުވަހު އައްޑޫ ސިޓީ ގަމުގައި ހިންގާ ފްލައިން ސްކޫލުގެ ބޯޓެއް ޖައްސަން އުޅުމުގެ ތެރޭގައި ވަނީ ވެއްޓިފައެވެ. މި ހާދިސާގައިވެސް އެއްވެސް މީހަކަށް ގެއްލުމެއް ނުލިބެއެވެ.