ކުރިޔަށް އޮތް ލޯކަލް ކައުންސިލް އިންތިހާބުގައި ޕީޕީއެމްގެ ކެމްޕެއިން ރަސްމީކޮށް ލޯންޗު ކުރުން މިރޭ ބާއްވާނެކަން އެޕާޓީން ބުނެފިއެވެ.
ޕީޕީއެމްގެ ނައިބް ރައީސް ނައިފަރު ދާއިރާގެ މެމްބަރު އަހުމަދު ޝިޔާމް ވިދާޅުވީ އެޕާޓީގެ ފަރާތުން ކައުންސިލް އިންތިހާބަށް ވާދަ ކުރާ ކެންޑިޑޭޓުންގެ ކެމްޕެއިން ލޯންޗު ކުރުމުގެ ރަސްމިއްޔާތު މިރޭ ސަރަހައްދުގައި ބާއްވަން ނިންމާފައިވާ ކަމަށެވެ. އަދި މި ބައްދަލުވުމަށް ޕާޓީގެ އެންމެހާ ސަޕޯޓަރުން ހާޒިރު ވުމަށް ޝިޔާމް ވަނީ އެދިވަޑައިގެންފައެވެ.
ޕީޕީއެމްގެ ފަރާތުން މިރޭ ކެމްޕެއިން ރަސްމީކޮށް ފަށާއިރު، އެންމެ ބޮޑު ސިޔާސީ ޕާޓީ އެމްޑީޕީން މިމަހުގެ 21 ވަނަ ދުވަހުގެ ރޭ ބޭއްވި ކެމްޕެއިން ޖަލްސާއަށް ލިބިފައިވަނީ ފިނި ތަރުހީބެކެވެ. މި ކަމާއި ގުޅިގެން ޕީޕީއެމް އެމްޑީޕީއަށް ފާޑު ކިޔާފައިވާ އިރު މިރޭގެ ޖަލްސާއަށް ގިނަ ބަޔަކު ނިކުމެދާނެ ކަމަށް ސިޔާސީ މަސްރަހު ދިރާސާ ކުރާ ފަރާތްތަކުން ލަފާ ކުރެއެވެ.
ކައުންސިލް އިންތިހާބުގައި މާލެ ސިޓީ މޭޔަރު ކަމަށް ޕީޕީއެމްގެ ފަރާތުން ވާދަ ކުރައްވަނީ ކުރީގެ ހައުސިން މިނިސްޓަރ ޑރ. މުހައްމަދު މުއިއްޒުއެވެ. އައްޑޫ ސިޓީއަށަ ވާދަ ކުރަނީ މުހައްމަދު ލަޠީފުއެވެ.