އަވަށްޓެރި އިންޑިއާއިން ރާއްޖޭގައި ހިންގާ އެއްވެސް މަޝްރޫއަކީ ދިވެހި ރައްޔިތުންނަށް ދަރަނި ދަންތުރައަކަށް ވެގެންދާނެ މަޝްރޫއުތަކެއް ނޫން ކަމަށް ރައްޔިތުން މަޖިލީހުގެ ރައީސް، ރައީސް މުހައްމަދު ނަޝީދު ވިދާޅުވި ވާހަކަތަކަށް ކުރީގެ އިކޮނޮމިކް މިނިސްޓަރ އަދި އިދިކޮޅު ކޮންގްރެސް ޕާޓީގެ ނައިބް ލީޑަރ މުހައްމަދު ސައީދު ރައްދު ދެއްވައިފިއެވެ.
އިންޑިއާގެ ގުޖުރާތުގައި އިއްޔެ ފެށި "އައިޑިއާސް ކޮންކުލޭވް" ގައި ވާހަކަދައްކަވަމުން ނަޝީދު ވިދާޅުވީ ރާއްޖޭގައި އިންޑިއާއިން ކުރިޔަށް ގެންދާ މަޝްރޫއުތަކަކީ ދެފުށް ފެންނަ އަދި އެ މަޝްރޫއުތަކުގެ ތަފްސީލް ދިވެހި ރައްޔިތުންނަށް ވެސް އެނގޭނެ މަޝްރޫއުތަކެއް ކަމަށެވެ. ނަޝީދު ވިދާޅުވީ އިންޑިއާ ސަރުކާރުން ޓެންޑާ ކުރާ މަޝްރޫއުތަކަކީވެސް ދެފުށް ފެންނަ ޕްރޮޖެކްޓުތަކެއް ކަމަށެވެ.
ނަޝީދުގެ ވާހަކަތަކަށް ރައްދު ދެއްވަމުން ސައީދު ވިދާޅުވީ އެޖެންޑާ 19ގައި ދަރަނިވެސް ރަނަށް ބަދަލުވަނީ ތޯ އެވެ.
"އެޖެންންޑާ 19 ގައި ދަރަނި ވެސް ރަނަށް ބަދަލުވެ ނިމުނީތޯ؟ ސައިދު ވިދާޅުވިއެވެ.
ސައީދު ވިދާޅުވީ އެއްލާ ގާކޮޅެއް ފޯރާ ހިސާބުގައި ދުރުމިނުގައި އޮތް ދެ ފަޅު ގުޅުވާލުމަށް 500 މިލިއަން ޑޮލަރުގެ ލޯނެއް ނެގީމާ އެ ބަދލުވަނީ ރަނަށް ނުވަތަ ރިއްސަތޯ ސުވާލު އުފައްދާފައެވެ.