އިންޑިއާށް ކުރެއްވި ރަސްމީ ދަތުރުފުޅު ނިންމާލެއްވުމަށްފަހު ރައްޔިތުން މަޖިލީހުގެ ރައީސް، ރައީސް މުހައްމަދު ނަޝީދު އެނބުރި ރާއްޖެ ވަޑައިގަތުމުން ކޮވިޑް19 އަށް އެމަނިކުފާނު ސްކްރީން ކޮށްފިއެވެ.
ރައީސް ނަޝީދު އެނބުރި ރާއްޖެ ވަޑައިގަތީ މިއަދުގެ ވަގުތެއްގައެވެ. އެމަނިކުފާނު ރާއްޖެ ވަޑައިގަތުމުން ވެލާނާ އިންޓަނޭޝަނަލް އެއާޕޯޓުގައި ބަހައްޓާފައި ހުންނަ ތާމަލް ކެމެރާ މެދުވެރިކޮށް ވަނީ ސްކްރީން ކޮށްފައެވެ. ނަޝީދު އިންޑިއާ އަށް ވަޑައިގަތީ ގުޖުރާތުގައި އޮތް ކޮންފަރެންސެއްގައި ބައިވެރިވުމަށެވެ.
Male' Airport in CORONA ah Raees Nasheed check kurahvanee
Abadhuves rivethi namoonaa'eh pic.twitter.com/IgpqPHwP9u— 𝗦𝗶𝗺 (@Simwarr) March 1, 2020
ނަޝީދު ކޮވިޑް19 އަށް ސްކްރީން ކޮށްފައިވާއިރު ރޭ ރާއްޖެއިން ވަނީ ފުރަތަމަ ފަހަރަށް މީހަކު ކޮވިޑް19 އަށް ޓެސްޓު ކޮށްފައެވެ. އެއީ ޑަބްލިއުއެޗްއޯ އިން ރާއްޖެއަށް ހަދިޔާ ކުރި ޓެސްޓު ކިޓުތަކުން ފުރަތަމަ ފަހަރަށް މީހަކު ޓެސްޓު ކުރި ފަހަރެވެ. އޭނާ ވަނީ ކޮވިޑް19 އަށް ނެގެޓިވް ވެފައެވެ.
ކޮވިޑް19 ވައިރަސް އެންމެ ފުރަތަމަ ފެނުނީ ޗައިނާގެ ވޫހާން ސިޓީން ކަމަށްވާއިރު، ފާއިތުވި 9 ދުވަހުގެ ތެރޭގައި މި ވައިރަސް ޖެހިގެން 33 ގައުމަކުން ވަނީ ރިޕޯޓުކޮށްފައެވެ.
އެގޮތުން މި ބަލީގައި މިހާތަނަށް ޖުމްލަ 2،900 އަށް ވުރެ ގިނަ މީހުން މަރުވެފައިވާއިރު، މި ބައްޔަށް 85،000 އަށް ވުރެ ގިނަ މީހުން ވަނީ ޕޮޒިޓިވް ވެފައެވެ.