އައްޑޫގެ ހަތަރު ރަށެއްގެ ބީޗް ޑިޒައިންކޮށް، އީއައިއޭ ހެދުމަށް އޮމްނި ސޮލިއުޝަން އާއި އައްޑޫ ސިޓީ ކައުންސިލުން ހަވާލުކޮށްފިއެވެ.
އައްޑޫ ސިޓީ ކައުންސިލް އިދާރާގައި އިއްޔެ ބޭއްވި ރަސްމިއްޔާތުގައި މި އެއްބަސްވުންތަކުގައި ސޮއި ކުރެއްވީ ޑެޕިއުޓީ މޭޔަރ މުހައްމަދު ޔަސްރިފް އަދި އޮމްނި ސޮލިއުޝަންގެ ފަރާތުން މުހައްމަދު ރިޔާޟުއެވެ.
922،200 ރުފިޔާ ހަރަދުކޮށްގެން ހިންގާ މި މަޝްރޫއުގައި ހިތަދޫ ގައުކެނޑި ބްރިޖް ސަރަހައްދުގައި 200 މީޓަރުގެ ބީޗަކާއި ހުޅުދޫ މީދޫ އަދި ހިތަދޫގެ އިތުރުން ފޭދޫގެ ޓުއަރިޒަމް ޒޯނުތަކުގައި ބީޗްތައް ހެދުމަށް، އެސަރަހައްދުތަކުގައި އޮޕްޝަންސް އެނަލިސިސްއެއް ހެދުމަށް ވަނީ ހަމަޖެހިފައެވެ.
މި އެއްބަސްވުމުގެ ދަށުން ބީޗް ހެދުމަށް ވެލި ނަގާނެ ސަރަހައްދެއް ކަނޑައަޅައި އެސަރަހައްދުގެ އީ.އައި.އޭ ހެދުމާއި، ފޭދޫ ސްވިމިންގ ޓްރެކް އެޅުމަށް ކަނޑައެޅިފައިވާ ސަރަހައްދު ފުން ކުރުމަށް އެސަރަހައްދުގެ އީ.އައި.އޭ ހެދުމަށް ވެސް ވަނީ ހަމަޖެހިފައެވެ.
ލޯކަލް ޓޫރިޒަމް ތަރައްޤީކުރުމަށް ޒޯން ކަނޑައަޅާފައިވާ އިރު މިހާރު ކައުންސިލުން އެންމެ ބޮޑު އިސްކަމެއް ދެނީ އައްޑޫގައި ރަނގަޅު ފެންވަރުގެ ބީޗުތަކެއް ހެދުމަށެވެ.