މި އަހަރުގެ ސެޕްޓެމްބަރު މަހު ހޯރަފުށީ އެއާޕޯޓުގެ މަސައްކަތް ނިންމާލެވޭނެ ކަމަށް، އެމްޓީސީސީ އިން ބުނެފިއެވެ.
މިވަގުތު ހޯރަފުށީގައި ހުންނެވި އެމްޓީސީސީގެ މެނޭޖިން ޑިރެކްޓަރު އާދަމް އާޒިމް ވިދާޅުވީ އެފަދަ މަސައްކަތް ކުރުމަކީ އުނދަގޫ އަދި ޓެކްނިކަލް ކަމެއް ކަމަށެވެ. އެހެންނަމަވެސް އެމްޓީސީސީގައި އެފަދަ މަސައްކަތް ކުރުމުގެ ގާބިލްކަން އެބަހުރި ކަމަށްވެސް އާޒިމް ވިދާޅުވިއެވެ.
މި އެއާޕޯޓަކީ ރައީސް އަބްދުﷲ ޔާމީންގެ ވެރިކަމުގައި އެޅުމަށް ނިންމި އެއާޕޯޓެއް ނަމަވެސް އޭރު މި އެއާޕޯޓު އެޅުމަށް ނިންމާފައި އޮތީ ހޯރަފުއްޓާއި އިންވެގެން އޮންނަ މާފިނޮޅު ކިޔާ ފަޅުރަށެއްގައެވެ. އަދި އެ އެއާޕޯޓު އެރަށުގައި އެޅުމަށް އެރަށު ފަޅުން ބައެއް ހިއްކަންވެސް އޭރު ނިންމިއެވެ.
ރައީސް އިބްރާހީމް މުހައްމަދު ސޯލިހުގެ ސަރުކާރުން ހޯރަފުށީގައި އެއާޕޯޓު އަޅަނީ އެރަށު ފަޅުން ބައެއް ހިއްކައިގެންނެވެ. މިހާރު އެއާޕޯޓުގައި ކުރާ މަސައްކަތަކީ ރަންވޭގައި އަޅާ ހަތަރު ލޭޔަރުގެ ތެރެއިން ފުރަތަމަ އަޅާ އެގްރިގޭޓް ބޭސް އެޅުމުގެ މަސައްކަތެވެ.ށެ