ނުރައްކާތެރި ކޮވިޑް19 އަށް ޝައްކު ކުރެވޭ ބިދޭސީއަކު އއ. ކުރަމަތި އައިލެންޑު ރިސޯޓުގައި ހުރުމުން އެމީހާ ޓެސްޓު ކުރުމުގެ މަސައްކަތް ކުރަމުން އަންނަ ކަމަށް ހެލްތު ޕްރޮޓެޝަން އޮތޯރިޓީ (އެޗްޕީއޭ) އިން ބުނެފިއެވެ.
ހެލްތް ޕްރޮޓެކްޝަން އޭޖެންސީ (އެޗްޕީއޭ)އިން ބުނީ، ކުރަމަތި ރިސޯޓުގައި ހުރި ބިދޭސީއެއްގެ ފަރާތުން ކޮވިޑް-19 ގެ އަލާމާތްތައް ފެނުމާ ގުޅިގެން އިތުރަށް މޮނީޓާ ކުރުމަށާއި ބަލަންޖެހޭ ކަންތައް ބެލުމަށް އޭނާ އައިސޮލޭޝަން އަށް ގެންދިޔުމުގެ މަސައްކަތް ކުރަމުންދާ ކަމަށެވެ.
ކުރަމަތީގެ އިތުރުން މިއަދު ހެނދުނު އެޗްޕީއޭ އިން ވަނީ މިލަމަންދޫ ރިސޯޓުގައި ހުރި ބިދޭސީއެއްގެ ގައިންވެސް ކޮވިޑް19 އަށް ޝައްކު ކުރެވޭ އަލާމާތްތަކެއް ފެނުމުން އޭނާ ކަރަންޓީން ކޮށްފައެވެ، މީގެއިތުރުން އިއްޔެ ކޮވިޑް19 ގެ އަލާމާތްތައް ހުރުމުން ކަރަންޓީނަށް ގެންދިޔަ ތިން މީހަކު އެ ބައްޔަށް ނެގެޓިވް ވެފައިވާ ކަމަށްވެސް އެޗްޕީއޭ އިން ބުންޏެވެ.
ރާއްޖެއިން ކޮވިޑް19 އަށް ހަ މީހަކު ވަނީ ޕޮޒިޓިވް ވެފައެވެ. އެއީ ކުރެއްދޫ އައިލެންޑު ރިސޯޓުގެ ހަތަރު މުވައްޒަފަކާއި ސޭންޑީޒް ބަތަލާ ރިސޯޓަށް ޗުއްޓީ ހޭދަ ކުރުމަށް އައި އިޓަލީގެ ދެ ފަތުރުވެރިންނަށެވެ.