ކުރުގާ ގޯދިއްޔާ ފުޓްސަލްގައި މާކަރީ ޔުނައިޓެޑް އާއި ޔުނިއަން ސްޕޯޓްސް ބައްދަލުކުރި މެޗް 7-2 ލަނޑުން މާކަރީ ޔުނައިޓެޑް މޮޅުވެއްޖެ އެވެ.
މަކަރީއަށް ލަނޑުޖަހައިދިނީ މުހައްމަދު އަލީ އާއި ފަތުހުއްﷲ ޖަމީލްއާއި އަބްދުﷲ ޝިޔާޒްއެވެ. ފަތުހުﷲ އާއި މުހައްމަދު އަލީ ވަނީ ކޮންމެ ކުޅުންތެރިއަކު 3 ގޯލް ސްކޯކޮށްފަ އެވެ.
ޔުނިއަން ސްޕޯޓްސްއަށް ލަނޑު ޖަހައި ދިނީ މުހައްމަދު ހަސަން ހަބީބް އާއި އިބްރާހިމް އާސިފްއެވެ. މުހައްމަދު ހަސަން ހަބީބުއަށް ވަނީ ދެ ރީދޫކާޑާއި އެކު ރަތްކަޑް ދައްކާ ދަނޑުން ފޮނުވާލާފަ އެވެ.
ރޭގެ ދެވަނަ މެޗްގައި އެފްއާރްޓީ އާއި ޓީއެފްޓީ ވޮރިއާސް ބައްދަލުކުރި މެޗް 1-4 ލަނޑުން ކާމިޔާބް ކުރީ ޓިއެފްޓީ އެވެ.
މެޗްގެ ފުރަތަމަ ލަނޑު ޖަހައި ލީޑް ނެގީ އެފްއާރްޓީންނެވެ. އެލަނޑު ޖެހީ އަލީ އަތީކްއެވެ. ޓީއެފްޓީގެ ފުރަތަމަ ލަނޑު ޕެނަލްޓީއަކުން ޖަހައި ދިނީ އަހުމަދު ސިމްހާނުއެވެ. ދެވަނަ ލަނޑު ޖެހީ ހުސެއިން ފަހުމީ އަބްދުލް ކަރީމްއެވެ. ތިންވަނަ ވަނަ ގޯލަކީ ސިމްހާން ޕެނަލްޓީއަކުން ކާމިޔާބްކޮށްދިން ލަނޑެކެވެ. ފަހު ލަނޑު ޖަހައި ދިނީ އާދަމް ޒާހިރުއެވެ.
މެޗް ނިމެން އުޅެނިކޮށް އެފްއާރްޓީއަށް ލިބުނު ޕެނަލްޓީ ވަނީ މިސްވެފައެވެ. މެޗްގެ މޮޅު ކުޅުންތެރިއަކަށް ހޮވުނީ ހުސެއިން ފަހުމީ އަބްދުލް ކަރީމްއެވެ.
ރޭގެ ފަހު މެޗްގައި ރެސްކިއު އާއި ޔަންގްވަންސް ބައްދަލު ކުރި މެޗް ޔަންގްވަންސް އިން ކާމިޔާބް ކުރީ 5-3 ލަނޑުންނެވެ.
ޔަންގް ވަންސްއަށް ލަނޑު ޖަހައި ދިނީ އަހުމަދު ސިނާން މުހައްމަދު އާއި އަހުމަދު އިބްރާހިމް ދީދީގެ އިތުރުން އަލީ ޝިހާން އާއި ހުސެއިން ރައުޝާންއެވެ. ސިނާން ވަނީ 2 ގޯލް ސްކޯކޮށްފައެވެ.
ރެސްކިއުއަށް ލަނޑުތައް ޖަހާދީފައިވަނީ ހުސެއިން އާދިލް އާއި އަލީ މަލަޝް އަދި ހުސެއިން ޝާހިދު އެވެ. މެޗްގެ މޮޅު ކުޅުންތެރިއަކީ ޔަންގްވަންސްގެ އަހުމަދު ސިނާން މުހައްމަދުއެވެ.
މިރޭގެ ފުރަތަމަ މެޗްގައި ކުޅޭނީ އެފްސީ ރެސްޕެކްޓް އާއި ރިއަލް މަަރަދޫއެވެ. ދެވަނަ މެޗްގައި ޒިލޮޓް އާއި ކްލަބް މަރަދޫއެވެ. ފަހު މެޗްގައި ޒެފިއާ އާއި އަބާނީއެވެ.