ކެނެޑާ ބޮޑުވަޒީރު ޖަސްޓިން ޓްރޫޑޯގެ އަނބިިކަނބަލުން ސޯފީ ގްރެގޮރީ ކޮވިޑް-19 އަށް ޕޮޒިޓިވް ވެއްޖެއެވެ.
ކެނެޑާގެ ބޮޑުވަޒީރުގެ އޮފީހުން ނެރުނު ބަޔާނެއްގައި ބުނީ ޓްރޫޑޯގެ އަނބިކަބަލުން ކޮވިޑް 19އަށް ޕޮޒިޓިވް ވެފައިވާކަމަށާއި، ބޮޑުވަޒީރު މިހާރު ހުންނެވީ އަމިއްލައަށް އެކަހެރިވެގެން ކަމަށެވެ. އަދި އަނބިކަބަލުންގެ ހާލު ޑޮކްޓަރުން ކައިރިން ބަލަމުން އަންނަ ކަމަށް ބަޔާނުގައި ބުނެފައިވެއެވެ.
ބަޔާނުގައި އިތުރަށް ބުނެފައިވަނީ ޓްރޫޑޯގެ ހަށިގަނޑުން ބަލީގެ އަލާމާތެއް ނުފެންނާތީ ކޮވިޑް 19 އަށް ޓެސްޓު ކުރުމަށް ނިންމާފައި ނުވާކަމަށެވެ.
އެ ދެ ބޭފުޅުން ދާދިފަހުން ވަނީ މި ބަލި ފެތުރިފައިވާ އިނގިރޭސިވިލާތަށް ދަތުރުފުޅެއް ކުރައްވާފައެވެ.
ކެނެޑާއިން މި ބައްޔަށް މިހާތަނަށް ވަނީ 100 އަށް ވުރެ ގިނަ މީހުން ޕޮޒިޓިވް ވެފައެވެ.
ކެނެޑާގެ ބޮޑުވަޒީރުގެ އިތުރުން ބަލިން ރައްކާތެރިވުމުގެ ގޮތުން ޕޯޗުގަލްގެ ރައީސް މާސެލޯ ރެބެލޯ ޑި ސޫސާ ވެސް ވަނީ ދާދިފަހުން އަމިއްލަފުޅަށް ކަރަންޓީނަށް ވަޑައިގެންފައެވެ