ބަނޑޮސް އައިލެންޑު ރިސޯޓު އެންޑު ސްޕާ އާއި، މީރު އައިލެންޑްސްއިން ކޮވިޑް 19އަށް ޝައްކު ކުރެވޭ އަލާމާތްތަކެއް ހުރި ބަޔަކު ފެނިފައިވާކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނެފިއެވެ.
އެޗްޕީއޭއިން ބުނީ ބަނޑޮސް އާއި މީރު އައިލެންޑުން ބައްޔަށް ޝައްކު ކުރެވޭ އަލާމާތް ފެނިފައިވަނީ ބިދޭސީންތަކެއްގެ ފަރާތުން ކަމަށެވެ. އަދި އެމީހުންގެ ސާމްޕަލް ނަގައި ޓެސްޓު ކުރުމަށް މަސައްކަތް ކުރަމުން އަންނަ ކަމަށެވެ.
As a precautionary measure;
Samples are being taken from foreign nationals in Meeru Island Resort who developed #COVID19 like symptoms.
The individuals have been placed under home-isolation.
The resort is currently under monitoring.
— HPA Maldives (@HPA_MV) March 13, 2020
މި ދެ ރިސޯޓުން ޝައްކު ކުރެވޭ އަލާމާތްތަކެއް ހުރި ބަޔަކު ފެނުމާއި ގުޅިގެން އެ ދެ ރިސޯޓުވެސްވަނީ އެޗްޕީއޭގެ މޮނިޓަރިން ލިސްޓުގައި ހިމަނާފައެވެ. އަދި ޝައްކު ކުރެވޭ ދެމީހުން ވަނީ "ހޯމް އައިސޮލޭޝަން"ގައި ކަމަށް އެޗްޕީއޭއިން ބުންޏެވެ.
ރާއްޖެއިން މިހާތަނަށް ކޮވިޑް 19 އަށް 9 މީހަކު ޕޮޒިޓިވް ވެފައިވާ އިރު ބައްޔަށް ޝައްކު ކުރެވޭ އިތުރު ބައެއްގެ ސާމްޕަލް ވަނީ ނަގާފައެވެ. ނަމަވެސް އެ ސާމްޕަލްތަކުގެ ނަތީޖާ ސަރުކާރުން އަދި ހާމަ ނުކުރެއެވެ.