ރާއްޖެއިން ވެސް މިހާރު ފެނިފައިވާ ނުރައްކާތެރި ކޮވިޑް19 އިން ރައްކާތެރިވުމަށްޓަކައި އަދި ރައްޔިތުންގެ ސަލާމަތަށްޓަކައި
ހުޅުމާލޭގައި ގާއިމުކޮށްފައިވާ ބަސް ސްޓޭންޑުތައް ޑިސްއިންފެކްޓު ކުރުމުގެ މަސައްކަތް ފަށައިފިއެވެ.
އެޗްޑީސީ އިން ބުނީ ބަސް ސްޓޭންޑުތަކުގެ އިތުރުން އާންމުން ގޮސް އުޅޭ އެހެން ސަރަހައްދުތައްވެސް ޑިސްއިންފެކްޓު ކުރުމުގެ މަސައްކަތް ފަށާފައިވާ ކަމަށެވެ.
އެ ކުންފުނިން ބުނީ ބަސް ސްޓޭޝަންތައް ޑިސް އިންފެކްޓު ކުރުމުގެ މަސައްކަތް ފަށާފައި ވަނީ އާއްމު ސިއްހަތުގެ ކުއްލި ނުރައްކަލުގެ ހާލަތު އިއުލާންކޮށް ޕާކުތައް ފަދަ ތަންތަން ބަންދު ކޮށްފައިވުމާއި ގުޅިގެން ކަަމަށެވެ.
ބަލިން ރައްކާތެރިވުމަށް ކުރެވިދާނެ ކަންތައް ހިމެނޭ ޕޯސްޓަރުތައްވެސް ބަސް ސްޓޭންޑުތަކުގައި ވަނީ ހަރުކޮށްފައެވެ. އެޗްޑީސީ އިން ވަނީ ބަލިން ރައްކާތެރިވުމަށް އަޅާ ފިޔަވަޅުގެ ދަށުން އެޗްޑީސީގެ މަސައްކަތު ގަޑިވެސް ކުރުކޮށްފައެވެ.
ރާއްޖެއިން ކޮވިޑް19 އަށް 13 މީހަކު މިހާތަނަށް ޕޮޒިޓިވް ވެފައިވާއިރު އޭގެތެރެއިން ގިނަ މީހުންނަކީ އިޓަލީއަށް ނިސްބަތްވާ މީހުންނެވެ. ގިނައީ ފަތުރުވެރިންނެވެ. އަދި ބައެއް މީހުންނަކީ ރިސޯޓުތަކުގައި މަސައްކަތް ކުރާ ބިދޭސީ މުވައްޒަފުންނެވެ.